B.Obama Iraktaǵy soǵystyń aıaqtalǵanyn jarııa etti
ASTANA. Qyrkúıektiń 1-i. QazAqparat - AQSh Prezıdenti Barak Obama Iraktaǵy áskerı operatsııalardyń aıaqtalǵany týraly jarııalap, eldegi tártipti saqtaý qyzmetin endi ıraktyqtardyń ózderine tapsyratyn kezdiń kelgenin atap kórsetti. Amerıka prezıdenti bul málimdemeni Tehas shtatyndaǵy Fort Bliss áskerı bazasynda jasady,
habarlaıdy RBK agenttigi.
«Búgingi bizdiń negizgi mindetimiz - Amerıka ekonomıkasyn qalpyna keltirý jáne jumystarynan aırylyp qalǵan mıllıondaǵan amerıkandyqtarǵa jumys oryndaryn qaıtarý», - dep atap kórsetti Barak Obama óz sózinde.
AQSh Prezıdenti Iraktaǵy soǵystaǵy AQSh armııasynyń jeńisi týraly aıtqan joq. «Iraktyń Amerıka úshin tıimdi serikteske aınalýy úshin, bizi áli kóp jumys atqarýymyz kerek», - dedi ol óz sózinde.
Tamyz aıynyń aqyrǵy kúnderi AQSh armııasynyń sońǵy brıgadasy Irakty tastap shyqty. Barak Obamanyń josparyna sáıkes, 2010 jylǵy tamyzdyń 31-indegi jaǵdaı boıynsha Irakta 50 myńǵa jýyq amerıkan áskeri qalyp otyr, olar «jaýyngerlik emes» mıssııa atqarady - qaýipsizdik saqtaýǵa kómektesedi, ırak sarbazdary men polıtseılerin oqytady.
Esterińizge sala keteıik, Iraktaǵy soǵys 2003 jyly bastalǵan bolatyn. Sodan beri ol elde AQSh armııasynyń 4 myń 400 sarbazy men ofıtseri qaza tapty. 32 myńy jaralandy.
