B.Obama Iraktaǵy amerıkan áskerin 2010 jyldyń tamyz aıynda shyǵarady
ASTANA. Qańtardyń 28-i. QazAqparat - AQSh Prezıdenti Barak Obama, Iraktaǵy amerıkan áskeri 2010 jyldyń tamyz aıynyń sońynda tolyq shyǵarylatynyn, al Aýǵanstan aýmaǵynan amerıkan áskeri 2011 jyldyń shilde aıynan bastap áketile bastaıtynyn qýattady,
dep habarlaıdy RBK agenttigi.
«Iraktaǵy soǵys aıaqtalyp keledi jáne bizdiń áskerlerimiz úıge oralýda», dep málim etti Barak Obama búgin kongresske jasaǵan óziniń alǵashqy úndeýinde.
Obama, AQSh-tyń Irak úkimetine saılaý kezinde qoldaý kórsetetinin jáne turmys-tirshilikti qalpyna keltirýde el azamattaryna kómek qolyn sozatynyn málim etti.
Aq úı basshysy sondaı-aq, «Aýǵanstandaǵy mıssııanyń tabystylyǵyna» senim bildirdi.
