B.Obama eldiń aldynda óziniń basty reformasy úshin keshirim surady
ASTANA. 8 qarasha. QazAqparat - AQSh Prezıdenti Barak Obama kópshiliktiń aldynda reformanyń saldarynan medıtsınalyq saqtandyrý josparlaryn joǵaltqan amerıkandyqtardan keshirim surady. NBC telearnasyna bergen suhbatynda ol densaýlyq saqtaý salasyndaǵy qurylymǵa «aıqyndyq jetispeıtinine» ókinetinin málimdedi, dep habarlaıdy RBK.
Prezıdenttiń bul sózderi Obamacare atymen belgili qol jetimdi medıtsınalyq kómek boıynsha № 2010-zańy kúshine engennen keıin de jurttyń saqtandyrýlary kúshin joımaıdy degen birneshe márte aıtylǵan ýádesiniń oryndalmaýynan saqtandyrý josparlarynan aıyrylǵan azamattarǵa arnaldy.
«Biz reformany júzege asyrýda aıqyn túsinistikke qol jetkize almadyq, - dedi B.Obama óz suhbatynda. - Meniń bergen kepilime qaramastan osyndaı jaǵdaıǵa tap bolǵandaryńyz úshin keshirim suraımyn».
Amerıkandyqtarǵa saqtandyrý josparlary men sýbsıdııalar alýǵa kómektesý úshin qurylǵan HealthCare.gov saıty iske qosylar-qosylmastan joıyldy. Saqtandyrý kompanııalary jańa standarttarǵa saı kelmeıtin polısterge qyzmet kórsetýden bas tartýda.
B.Obama medıtsınalyq saqtandyrý týraly zańdy jaýyp, jańa júıeniń qanshalyqty qıyn jolmen júzege asyrylyp jatqanyn kóre otyra ony keri qaıtarýǵa daıyn otyrǵandardy synǵa aldy. 2013 jyldyń qazanynda Prezıdent qatelikterdi joıý jaýapkershiligin óz moınyna alatynyn birneshe ret málimdegen bolatyn.
