B.Obama bıýdjet jetispeýshiligin qysqartý úshin salyqty kóterýdi usynady
ASTANA. 16 shilde. QazAqparat - AQSh Prezıdenti Barak Obama eger salyqty kótermese, federaldyq bıýdjetti qysqartý josparyn qoldamaıdy, al ol eldiń dáýletti adamdarynyń qaltasyna soǵýy múmkin, dep habarlady RBK.
«Maǵan shyǵystardy 2,4 trln. dollarǵa deıin tómendetýge múmkindik beretin jáne sonymen qatar qarapaıym azamattarǵa aýyrlyq túsirmeıtin jospardy usynǵan joq», - dep málimdedi Aq úıdiń qojaıyny.
Onyń pikirinshe, bıýdjet jetispeýshiligi boıynsha málimdelgen maqsattarǵa qol jetkizý úshin eń baı adamdarǵa salyqty kótermeı jáne ártúrli quıtyrqymen salyq tóleýden jaltaratyn amerıkandyq korporatsııalardyń zańnamalardy aınalyp ótetin múmkindikterin joımaı múmkin emes.
Ol sondaı-aq kongressmenderdi asyqtyryp, memlekettik zaımdar lımıtin arttyrýdy kelisýge shaqyrdy. Onyń kólemi qazir 14,3 trln. dollardy quraıdy jáne úkimetpen osy jylǵy mamyr aıynda kelisilgen bolatyn, 2 tamyzǵa deıin bul máseleler sheshilmese AQSh-ta defolt jarııalanýy múmkin. Eger ondaı jaǵdaı bolsa, onda eldiń barlyq azamattary úshin salyq aýyrtpashylyǵyn arttyrýǵa týra keledi.
Eske sala keteıik, respýblıkashyldar men demokrattar arasynda aldaǵy onjyldyqqa bıýdjet jetispeýshiligin qysqartý jónindegi sharalarǵa baılanysty shıelenisken kelissózder júrip jatyr. AQSh qarjy mınıstrligi zaım alý lımıtin 2011 jylǵy 2 tamyzǵa deıin arttyrý qajettigin áldeneshe ret eskertken bolatyn.
