B. Obama: AQSh polıtsııasy aqtarǵa qaraǵanda afroamerıkandyqtardy eki ese kóp óltiredi
ASTANA. QazAqparat - NATO sammıtine qatysý úshin Varshava qalasyna kelgen Barak Obama amerıkandyq polıtsııa jumysyn, olardyń zańsyz áreketteriniń kesirinen aqtarǵa qaraǵanda afroamerıkandyqtardyń kóp zardap shegetinin aıtty, dep habarlaıdy RIA Novostı.
«Barlyq amerıkandyqtar osy máselege alańdaýly. Bul bólek oqıǵalar emes, Amerıka quqyq qorǵaý qurylymdaryndaǵy udaıy bolyp turatyn jaıttar», dedi prezıdent polıtsııadaǵy zańsyzdyqtar týraly.
«Polıtsııa qyzmetkerleri aqtarǵa qaraǵanda afroamerıkandyqtardy eki ese kóp óltiredi». Onyń oıynsha, munyń bári AQSh-ta teńdiktiń bolmaýyn bildiredi. Sonymen qatar, B.Obama polıtsııa qyzmetkerleriniń kópshiligi óziniń kúndelikti jumysyn jaqsy atqaratynyn atap ótti.
