B.Obama: AQSh Iranǵa qarsy úlken sanktsııalar ázirleýde
ASTANA. Aqpannyń 10-y. QazAqparat - AQSh ókimeti Irannyń ıadrolyq baǵdarlamasyna baılanysty ol elge qarsy jańa «mańyzdy» sanktsııalar ázirleýde. AQSh Prezıdenti Barak Obama Aq úıde keńeste sóılegen sózinde osyndaı málimdeme jasady,
dep habarlaıdy Associated Press.
Amerıka prezıdentiniń aıtýynsha, jańa sanktsııalardy ázirleý úderisi jedel júrip jatyr. Degenmen, B.Obama, jańa sanktsııalardyń naqty engiziletin merzimin ataǵan joq.
Oǵan qosa, Prezıdenttiń pikirinshe, Irannyń ýrandy 20 paıyzǵa deıingi baıytýdy bastaý týraly sheshimi Tegrannyń halyqaralyq qoǵamdastyqpen dıalogtan bas tartýynyń aıǵaǵy. B.Obama ıran ókimetiniń saıasaty adamzatqa qaýip tóndiretin ıadrolyq qarýdyń óndirisine baǵyttalyp otyrǵanyn taǵy da atap ótti.
Esterińizge sala keteıik, Irannyń Atom energetıkasy jónindegi uıymy ýrandy 20 paıyz deńgeıge deıin baıytý óndirisiniń bastalǵanyn rastady. Uıym basshysy Álı Akbar Salehı myrza, baıytý úderisiniń Netenze qalasyndaǵy ıadrolyq keshende keshe bastalǵanyn málim etti. Bul úderis MAGATE ınspektorlarynyń kóz aldynda júzege asyryldy.
