B.Nurymbetov: Bıyl 322 myńnan astam azamat jumysqa ornalastyrylady
«Búginde bizdiń eńbek naryǵymyzda 455 myń jumyssyz júrgen azamat bar jáne ózin-ózi jumyspen qamtyp júrgenderdiń arasynda 585 myń ónimsiz eńbekpen aınalysyp júrgender. Olardyń tabysy kúnkóristen tómen. Demek, 1 mıllıonnan astam adam jumyssyz deýimizge bolady. Sonyń bárin eskersek, búgingi ındýstrııalandyrý sharalary biz úshin sol azamattardyń jumyssyzdyq máselesin sheshýge úlken múmkindik», - dedi ol.
Vıtse-mınıstrdiń atap ótýinshe, «Jumyspen qamtý» baǵdarlamasymen qosa óńirlerde jumyspen qamtý jónindegi keshendi jospar ázirlengen.
«Solardyń negizinde biz osy jyly 322 myńnan astam jumyssyz júrgen, ózin-ózi jumyspen qamtyp júrgen azamattarǵa jumysqa ornasýǵa kómek berýdi kózdep otyrmyz. Ótken 5 aıdyń ishinde biz 153 myń adamǵa jumys taýyp berdik. Onyń 52 paıyzy, ıaǵnı 80 myńy turaqty jumysqa ıe boldy. Bul da jaqsy kórsetkish», - dedi ol.