B. Momyshulynyń eskertkishi janynda jastardyń Otanǵa degen patrıottyq sezimin arttyrýǵa baǵyttalǵan shara uıymdastyryldy
ASTANA. 15 qyrkúıek. QazAqparat - Astana qalasynyń ákimdigi men qalalyq Tilderdi damytý basqarmasynyń uıymdastyrýymen elordada kóptegen mádenı is-sharalar ótip keledi.
El qorǵaǵan batyrlarymyz ben halyqtyń rýhanı baılyǵyn arttyrǵan aqyndarǵa ornatylǵan eskertkishter janynda basqosýlar ótkizý dástúrge aınaldy.
Sondaı el birligin nyǵaıtýǵa arnalǵan jáne jastardyń Otanǵa degen patrıottyq sezimin arttyrýǵa baǵyttalǵan mádenı shara Astanadaǵy Baýyrjan Momyshuly eskertkishiniń janynda boldy.
Osy basqosýǵa jınalǵan zııaly qaýym ókilderi ekinshi dúnıejúzilik soǵystyń dańqty jaýyngeri, halyq qaharmany, qazaqtyń kórnekti jazýshysy Baýyrjan Momyshulynyń eskertkishine gúl shoqtaryn qoıyp, rýhyna taǵzym etti.
Alǵashqy sóz alǵan Halyq Qaharmany, general, Aýǵan soǵysynyń ardageri Baqytjan Ertaev qazaq halqynyń dańqty batyry Baýyrjan Momyshuly týraly oılaryn ortaǵa saldy. B.Ertaev soǵystyń adamzatqa qasiret ákeletini, nebir arystaı azamattardyń maıdanda kóz jumatyny jaıly syr shertti. Ol jasóspirimderge arnaǵan sózinde otansúıgishtik qasıettiń qanmen taraıtynyn, táýelsiz Qazaqstandy namysy aıbaltadaı, rýhy myqty azamattar qorǵaıtynyn aıtty.
Odan keıin ekonomıka ǵylymynyń doktory, professor, QR dıplomatııasyna eńbegi sińgen qaıratker Saılaý Batyrshauly sóz sóılep, Baýkeńniń Otanǵa degen súıispenshiligi árbir isi men qadamynan aıqyn kórinetinin málim etti. Ol Baýyrjan Momyshuly qıyn zamannyń ózinde ata-tegin durys jazyp, sol úshin kúresip ótken adam ekenin aıta kelip, jastardy Batyrdan úlgi alýǵa shaqyrdy. Osyndaı ıgilikti sharany uıymdastyrǵan Astana qalasynyń ákimi Imanǵalı Tasmaǵambetov myrza men qalalyq Tilderdi damytý basqarmasynyń bastyǵy Orazgúl Asanǵazy hanymǵa alǵysyn bildirdi.
Ǵalym-jazýshy, ekonomıka ǵylymynyń doktory Myrzakeldi Kemel Baýkeńmen eki ret kezdeskenin, sonda oıyna túıgen syrlarymen bólisti.
Ardager, Maqtaaral aýdanynyń qurmetti azamaty Jamalbek Aqylbaıuly batyrǵa arnalǵan óleńderin oqyp berdi.
Bul sharany uıymdastyrýǵa qaladaǵy №53 mekteptiń ujymy atsalysty. Oqýshylar Baýyrjan Momyshulyna arnalǵan qazaq aqyndarynyń óleńderin jatqa oqyp berdi.
Osy basqosýdy qorytyndylaǵan Astana qalasy Tilderdi damytý basqarmasynyń bastyǵy Orazgúl Asanǵazy jınalǵan zııaly qaýymǵa rızashylyǵyn bildirip, mundaı shara aldaǵy ýaqytta da jalǵasyn tabatynyn jetkizdi. «Búgin kóp jastar jınaldy. Otan úshin erlik jasap, eńbek etken adamdy halqy eshqashan umytylmaıtyny Sizderge taǵylym bolsyn dep ótkizip otyrmyz»,- dedi ol.
