B. Momyshulynyń 100 jyldyǵyna arnalǵan «Ar ómirden de qymbat» atty vıktorınalyq konkýrsy boldy
ALMATY. 25 qarasha. QazAqparat /Erbol Turymbetov/ - Keshe Almatydaǵy Radıotehnıka jáne baılanys áskerı-ınjınerlik ınstıtýtynda dańqty qolbasshy ári jazýshy Baýyrjan Momyshulynyń 100 jyldyǵyna arnalǵan «Ar ómirden de qymbat» atty vıktorınalyq konkýrsy bolyp ótti.
Onda ınstıtýttyń shtat, fakýltet jáne kafedralardyń bólim, jeke quramdary muǵalimderinen quralǵan «Amanat», «Qaharman», «Namys» komandalary ózara saıysqa tústi. 6 kezeńnen turatyn saıys B. Momyshulynyń ómiri men shyǵarmashylyǵy boıynsha ótti. Onda túrli suraqtarǵa jaýap berilip, batyrdyń ómirinen shaǵyn teatrlandyrylǵan kórinister kórsetildi. Shara qazaq jáne orys tilderinde ótti.
«Bizdiń muǵalimderdiń búgingi saıysy bizdi qýantady. Munda qazaq halqynyń batyry B. Momyshulynyń esimi keńinen dáripteldi. Aldaǵy ýaqytta osy qatysýshylardyń eńbekterin elep, marapat jasaýǵa ınstıtýt basshylyǵyna usynys jasaımyz», - dedi ınstıtýt polkovnıgi Vladımır Dosaev.
Shara barysynda, sondaı-aq, T. Júrgenov atyndaǵy óner akademııasynyń stýdentteri de óner kórsetti.
