B.Maılybaev Qazaqstan quramasynyń London Olımpıadasyna daıyndyǵyn óte joǵary baǵalady
ASTANA. 20 maýsym. QazAqparat - Qazaqstan quramasynyń London Olımpıadasyna daıyndyǵy óte joǵary.
Bul pikirdi búgin Aqordada QR Memlekettik hatshysy Muhtar Qul-Muhammedtiń tóraǵalyǵymen ótken sporttaǵy joǵary jetistikter men dene shynyqtyrýdyń odan ári damýyna arnalǵan respýblıkalyq keńes barysynda QR Prezıdenti Ákimshiligi basshysynyń orynbasary Baǵlan Maılybaev bildirdi.
«Men aldaǵy Olımpıada oıyndarynyń bastalýyna bizdiń quramanyń daıyndyq deńgeıi joǵary ekendigin atap ótkim keledi. Búl rette, ásirese T.Ermegııaevtiń basshylyǵymen agenttik júrgizip otyrǵan ıdeologııalyq baǵyttaǵy jumystardyń joǵary deńgeıin atap ótken oryndy. Ar-ojdan kodeksiniń ázirlenip, onyń bekitilýi óte sátti bolǵan joba dep esepteımin», - dep atap ótken B.Maılybaev, agenttikke jáne Qazaqstan quramasynyń múshelerine aldaǵy baıraqty básekede mol tabystar tileıtindigin basa aıtty.
«Meniń oıymsha, qurama búginde joǵary nátıje kórsetýge daıyn», - dedi ol.
Aıta keteıik, alqaly jıyn barysynda QR Sport jáne dene shynyqtyrý isteri agenttiginiń tóraǵasy Talǵat Ermegııaev aldaǵy London Olımpıadasy oıyndaryna ulttyq quramanyń daıyndyǵy týraly baıandap, sportshylarymyzdyń patrıottyq sezimin arttyrý maqsatynda elimizdiń qurama komanda músheleriniń Ar-ojdan kodeksi ázirlengendigin málim etken edi.
