B.Qulpeıisov Prezıdenttiń «jolyn» 2 kúnde eńserip almaqshy
ASTANA. 29 qarasha. QazAqparat - QR Tuńǵysh Prezıdenti kúnine oraı sport maıtalmany, marafonshy Balǵabaı Qulpeıisov 72 shaqyrym jerdi júgirip ótýge bel býyp otyr.
Marafon erteń, saǵat 10.00-de Shortandy kentinde bastalady. Tús qaıta B.Qulpeıisov Tóńkeriske deıin jetýdi kózdeıdi. Osy jerde túnep, kelesi kúni - jeltoqsannyń 1-inde Astanaǵa júgirip shyqpaqshy. Marafon kúndiz saǵat 14.00-de «Qazaq eli» monýmenti mańaıynda aıaqtalady. «Shortandydan bastap biz trassamen, kóshemen, tipti aıdalamen de júgiremiz. Aýa raıyna qaramastan, biz ol qashyqtyqty baǵyndyramyz. 72 shaqyrym dep alǵanymyz, ol - Prezıdenttiń jasy. Bıyl Nursultan Nazarbaev 72-ge kelgen joq pa? Aıtpaqshy, búgin maǵan taǵy bir sportshy habarlasty. Ol menimen birge júgiremin dep otyr. Jol boıy biz Qazaqstannyń Týyn qolda ustap ótemiz», - deıdi B.Qulpeıisov.
