«B» korpýsynyń ákimshilik memlekettik laýazymdaryna ornalasýǵa baıqaýǵa qatysý úshin qujattar qabyldanýda
ASTANA. 29 sáýir. QazAqparat - Aǵymdaǵy jyldyń 26 naýryzynda kúshine engen memlekettik qyzmet týraly zańnamaǵa engizilgen ózgeristerge sáıkes,
«B» korpýsynyń ákimshilik memlekettik laýazymdaryna ornalasýǵa baıqaýǵa qatysý úshin kez kelgen úmitker QR zańnamasyn bilý boıynsha testileýden óte alady.
Testileýden sátti ótken jaǵdaıda azamattar belgilengen úlgidegi sertıfıkatty alady. Testileýden ótkendigi jónindegi sertıfıkat «B» korpýsynyń ákimshilik memlekettik laýazymdaryna ornalasý úshin baıqaýlarǵa qatysýǵa múmkindik beredi. Atalmysh sertıfıkattyń jaramdylyq merzimi bir jyldy quraıdy.
«B» korpýsynyń ákimshilik memlekettik laýazymdaryna ornalasý úshin úmitkerlerdi testileýdi QR Memlekettik qyzmet isteri agenttigi men onyń aımaqtyq bólimsheleri azamattardan ótinimderdiń túsýine qaraı ótkizip turady.
Testileýden ótýdi qalaıtyn azamattar Agenttikke nemese onyń aımaqtyq bólimshelerine kelesi qujattardy usynýy tıis:
- 1) belgilengen úlgidegi ótinishti;
- 2) bilimi týraly qujattardyń kóshirmesin;
- 3) eńbek qyzmetin rastaıtyn qujattardyń kóshirmesin;
- 4) jeke basyn rastaıtyn jáne JSN-ny bar qujattyń kóshirmesin.
Qujattardy jeke ákelip tapsyrýǵa nemese poshtamen jiberýge bolady.
Tolyq aqparatty 8 (7172) 753585, 733221, 753534,753423, 753531, 753457 telefon nómirleri boıynsha, sondaı-aq Agenttiktiń www.kyzmet.gov.kzsaıtynan bilýge bolady.
