«B» korpýsyndaǵy 65 myń adam aqpanda attestatsııadan ótedi

«Memlekettik qyzmet personalyn basqarý ulttyq ortalyǵy» AQ memlekettik qyzmetti basqarý basqarmasynyń basshysy Ǵanıjan   Asanulynyń aıtýynsha, bul attestatsııanyń ózge attestatsııadan birqatar erekshelikteri bar, dep habarlaıdy QazAqparat.

«Bul attestatsııanyń bir ereksheligi, memlekettik qyzmetshiler zańnamany bilýge arnalǵan testileýden ótpeıdi. Alǵash ret memlekettik qyzmetshilerdiń jeke quzyretterin anyqtaýǵa baǵyttalǵan testileý ótkizileıin dep otyr»,-deıdi Ǵ.Asanuly.

Basqarma basshysy atap ótkendeı, buryn bul attestatsııaǵa tek tómen kórsetkishi bar memlekettik qyzmetshiler qatysatyn edi. Endi aqpan aıynda «B» korpýsyndaǵy memlekettik qyzmetshilerdiń barlyǵy osy attestatsııany tapsyrmaq. «B» korpýsyndaǵy memlekettik qyzmetshilerdiń sany - 65 myń adam.

«Jalpy attestattaý úsh negizgi kezeńnen turady. Birinshi kezeń - memlekettik qyzmetshilerdiń jeke baǵalaý paraǵyn toltyrý, ekinshi kezeń - jeke quzyretterdi baǵalaýǵa baǵyttalǵan testileý, úshinshi kezeń -  əńgimelesý. Qazirgi tańda osy joǵary attestatsııalaý komıssııasynyń testileýinen ótetin  memlekettik qyzmetshilerdiń, ıaǵnı, mınıstrliktiń, departament dırektorlarynyń, sondaı-aq komıtet tóraǵalarynyń orynbasarlarynyń, ortalyq memlekettik organdardyń aýmaqtaǵy departament basshylarynyń baǵalaý paraǵy toltyrylyp jatyr. Memlekettik organdar bul baǵalaý paraqtaryn agenttikke 1 aqpanǵa deıin tapsyryp bitedi.  Baǵalaý paraǵynda memlekettik qyzmetshige qatysty jeke məlimetter, oǵan qatysty baǵalaý qorytyndylary, marapattaý nemese tártiptik jazaǵa tartylǵan qujattary kórsetiledi. Sonymen qatar, onyń tikeleı basshysy bergen minezdeme de qosa kórsetiledi. Bul jumystardyń barlyǵy 1 aqpannan bastalady. Baǵalaýdan ótkennen keıin bul tulǵalar 7 aqpanda joǵarǵy attestattaý komıssııasynda áńgimelesýden ótedi. Áńgimelesýdiń qorytyndysy boıynsha aldyńǵy eki kezeńniń baǵalaý paraǵyn eksergen alqaly komıssııa qorytyndy shyǵarady», - dep túsindirdi búgin jýrnalısterge Ǵ.Asanuly.