B.Qajıev: Aldaǵy qysta elektr energııasymen jabdyqtaýda problema bolmaıdy
ASTANA.QazAqparat - Aldaǵy qysta elektr energııasymen jabdyqtaýda problema bolmaıdy.Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «Kegog» AQ-nyń basqarma tóraǵasy Baqytjan Qajıev málim etti.
«Tolyqtaı alǵanda, ulttyq elektr jelilerinde barlyǵy da keste boıynsha júrgizilýde. Magıstraldyq elektr berý jelilerindegi barlyq jóndeý jumystary aıaqtalýǵa jaqyn. Stansalardaǵy josparlanǵan jumystar qazirgi ýaqytta oryndaldy. Aldaǵy qysty esh qıyndyqsyz ótkizemiz dep otyrmyz», - dedi ol.
Onyń atap ótýinshe, sońǵy jyldary Ortalyq Azııadaǵy kórshi elderdegi ahýal birshama qıyn bolyp tur. Degenmen buǵan qaramastan elimizdegi barlyq elektr stansalary keste boıynsha jumys istese, eshqandaı kúrdeli jaıt týyndamaıdy. Aldaǵy qysta Qazaqstanyń ońtústiginen shamamen 3,5 myń MVt elektr energııasyn ótkizý josparlanǵan. Al ol úshin bul óńirdegi elektr stansalary shamamen 2 myń MVt elektr energııasyn óndirýi qajet. Onyń ishinde Jambyl SES-i 650 MVt, Ońtústik Qazaqstandaǵy Energo ortalyq-3 130 MVt elektr energııasyn óndirýi tıis.
