B. Kamalıev temirjol paromdy tasymaldaýlardy damytý jóninde jınalys ótkizdi
TANA. 29 qyrkúıek. QazAqparat. 2011 jylǵy 29 qyrkúıekte QR Kólik jáne kommýnıkatsııa mınıstri Berik Kamalıev temirjol paromdy tasymaldaýlardy damytý jóninde jınalys ótkizdi. Jınalysqa memlekettik organdardyń, «Samuryq-Qazyna», «Qazmunaıgaz», Aqtaý porty, «Kazmortransflot» kompanııasy jáne «QazGıdro» JShS ókilderi qatysty, dep habarlaıdy mınıstrliktiń baspasóz qyzmeti.
B. Kamalıev qatysýshylarǵa QR Premer-Mınıstri Karim Masimov túrli qarjylandyrý esebinen temirjol paromdaryn satyp alý jáne satyp alynǵan kemelerge salyqtyq, kedendik jeńildikter usyný, «Kazmortransflot» satyp alatyn kemeler úshin porttyq alymdar boıynsha jeńildikter usyný jáne Aqtaý nemese Quryq porttarynda temirjol paromy kesheni qurylysynyń nusqalaryn qarastyrý máseleleri boıynsha birlesip jumys isteýdi tapsyrǵany týraly habardar etti.
Qatysýshylardyń oılaryn tyńdap, kólik vedomstvosynyń basshysy B.Kamalıev «Kazmortransflot» kompanııasynyń múddeli taraptarynan kelip túsetin aqparat qorytyndysy boıynsha Aqtaý nemese Quryq porttarynda temirjol paromdy kesheni qurylysynyń nusqalaryna salystyrmaly saraptama júrgizýdi usyndy.
