B.Іzmuhambetov pen K.Mýttonen parlamentaralyq baılanysty damytýǵa nıet bildirdi
ASTANA. QazAqparat - Búgin Májilis Tóraǵasy Baqtyqoja Іzmuhambetov Eýropadaǵy qaýipsizdik jáne yntymaqtastyq uıymynyń Parlamentik Assambleıasy tóraǵasynyń orynbasary, Ortalyq jáne Shyǵys Azııadaǵy uıymnyń arnaıy ókili Krıstın Mýttonenmen kezdesti, dep habarlady Májilistiń baspasóz qyzmetinen.
Taraptar ózara árekettestikti damytýdyń baǵyttaryn talqylady. Bul rette Májiliste qaıta qurylǵan EQYU PA-pen árekettestik boıynsha delegatsııa quramyna mańyzdy mindetter qoıylady.
B.Іzmuhambetov pen K.Mýttonen parlamentaralyq qatynastardy jetildirý kópjaqty qatynastardy tereńdetý men keńeıtýge qajetti shart bolyp tabylatyndyǵyn aıtty.
Qazaqstannyń EQYU Parlamenttik Assambleıasynyń mańyzdy bóligi bolyp tabylatyndyǵyna nazar aýdarǵan Krıstın Mýttonen bizdiń elimizdiń elder, ulttar jáne túrli toptar arasyndaǵy dıalogty ornatýdaǵy erekshe rólin atap ótti.
- Bizdiń yqpaldastyǵymyzdy joǵary baǵalaımyz jáne ony jalǵastyrýǵa nıettimiz. Qazaqstan bul baǵytta óte jaqsy jumys jasap jatyr jáne osy aımaqtaǵy basqa memleketterge úlgi bola alady, - dedi K.Mýttonen.
Qazirgi zamannyń halyqaralyq qaterleri týraly sóz qozǵaǵan B.Іzmuhambetov, K.Mýttonen qatysqaly otyrǵan Astana qalasynda ótetin «Dinder lankestikke qarsy» atty halyqaralyq konferentsııasynyń bul qaýipke qarsy kúsh biriktirýge jaǵdaı jasaıtyndyǵyna senim bildirdi.
Kezdesý barysynda Astana qalasynda «Ekspo-2017» halyqaralyq mamandandyrylǵan kórmesin ótkizý máseleleri talqylandy. Parlament Tóraǵasy bul sharaǵa Eýropadaǵy qaýipsizdik jáne yntymaqtastyq uıymyn oǵan yńǵaıly nysanda qatysýǵa shaqyrdy.
- Men sizderdi kórmeniń taqyrybymen quttyqtaımyn. Parlamenttik Assambleıa úshin bul kórmege qatysý óte mańyzdy dep sanaımyn, - dedi K.Mýttonen.
