B.Іzmuhambetov: Memleket basshysynyń búgingi Joldaýynda erekshe atap óterlik másele - jumyssyzdyqpen kúres
ASTANA. 27 qańtar. QazAqparat /Aıdar Ospanalıev/ - «Memleket basshysynyń búgingi Joldaýynda erekshe atap óterlik másele jumyssyzdyqpen kúres der edim»,-dedi Májilis depýtaty Baqtyqoja Іzmuhambetov Parlament palatalarynyń birlesken otyrysynan soń jýrnalısterge bergen suhbatynda.
Onyń pikirinshe, jumyssyzdyqpen kúres Joldaýdaǵy áleýmettik sala boıynsha aıtylǵan mańyzdy baǵyttardyń biri.
«Joldaýda ındýstrııalyq-ınnovatsııalyq damý jobalary týraly da az aıtylǵan joq. Jalpy sońǵy jyldary elde osy údemeli ındýstrııalyq-ınnovatsııalyq baǵdarlamalardyń arqasynda myńdaǵan jumys orny ashyldy. Buryn syrttan ákelinetin kóptegen taýar túrlerin elde óndire bastadyq. Eger osy baǵyttaǵy jumystardy jalǵastyra beretin bolsaq, bolashaqta óndiris ónimdiligin aıtarlyqtaı arttyryp, taýarlarǵa degen baǵa qunyn arzandata alamyz. Túptep kelgende, bul qosymsha jumys oryndaryn ashýǵa múmkindik beredi. Burynǵy ákim retinde men atalǵan jaıttardy óte mańyzdy mindetter dep bilemin»,-dedi halyq qalaýlysy.
