B. Іzmuhambetov Májilis tóraǵasy qyzmetinen ketti
ASTANA. QazAqparat - Búgin Parlament Májilisiniń jalpy otyrysynda palata spıkeri Baqtyqoja Іzmuhambetov óz erkimen otstavkaǵa ketti. Palata depýtattary Tóraǵanyń otstavkasyn qabyldady.
«Men «Ardagerler uıymy» respýblıkalyq qoǵamdyq birlestiktiń tóraǵasy qyzmetine taǵaıyndalýyma baılanysty Májilis tóraǵasy qyzmetinen óz erkimmen ketýge otstavkamdy qabyldaýlaryńyzdy suraımyn», dedi B.Іzmuhambetov. Sonymen qatar, ol osy ýaqyt aralyǵynda birge qyzmet etken áriptesterine rızashylyǵyn jetkizip, aldaǵy jumystaryna sáttilik tiledi.
Eske sala keteıik, keshe Elbasy Nursultan Nazarbaev Qazaqstan Respýblıkasy Parlamenti Májilisiniń «Nur Otan» partııasy fraktsııasynyń jınalysynda «Ardagerler uıymy» respýblıkalyq qoǵamdyq birlestigi ortalyq keńesi tóralqasynyń kezekten tys otyrysy ótip, onyń barysynda Baqtyqoja Іzmuhambetov keńes tóraǵasy bolyp saılanǵanyn aıtqan bolatyn. «Elimiz úshin bul óte mańyzdy másele. Kóptegen kórnekti qaıratkerlerdiń basyn qosyp otyrǵan uıym ardagerlerdiń máselesimen de, jastardyń adamgershilik tárbıesimen de aınalysady, - dedi Nursultan Nazarbaev.
