B. Іzmuhambetov: Álemdegi barlyq meıirim men jaqsylyq áıeldermen baılanysty
ATYRAÝ. QazAqparat - Álemdegi barlyq meıirim men jaqsylyq áıeldermen baılanysty. Áıelder - qoǵamnyń júregi, - dedi Atyraý oblysynyń ákimi Baqtyqoja Іzmuhambetov Halyqaralyq áıelder kúnine arnalǵan jınalys barysynda.
«Eshbir ásireleýsiz-aq álemdegi barlyq meıirim men jaqsylyq áıeldermen baılanysty dep aıtýǵa bolady. Olar sonymen qatar, asqan eńbeksúıgish jandar. Qazirgi tańda áıelder qaýymy elimizdiń áleýmettik-ekonomıkalyq damýyna zor úles qosyp keledi. Ekonomıkamyzdyń barlyq salasynda kásipker áıelder sany artyp keledi. Oǵan qosa názik jandylardyń moınynda bala tárbıesine degen jaýapkershilik te júktelgen. Qaısar jandar osynyń bárine úlgerip keledi. Óńirimizdegi barlyq erler atynan sizderdi osynaý merekelerińizben quttyqtaımyz! Zor densaýlyq, bereke, tabys tileımiz!» - dedi ákim.
Sondaı-aq, mereke qarsańynda ákim bir top atyraýlyq kópbalaly analarǵa «altyn» jáne «kúmis» alqalardy tabystady.
