B.Esentaeva: «Turkvizyon-2014» túrki tildes halyqtardy biriktiredi

ASTANA. QazAqparat - «Turkvizyon-2014» túrkitildes halyqtardy biriktirý úshin asa qajet. Bul týraly búgin Ortalyq kommýnıkatsııalar qyzmetinde ánshi Janar Duǵalovanyń «Turkvizyon-2014» halyqaralyq án baıqaýynda jeńiske jetýine oraı uıymdastyrylǵan brıfıngte belgili qazaqstandyq prodıýser Baıan Esentaeva aıtty.

«Túrki áleminde osyndaı konkýrstyń paıda bolýyna óte qýanyshtymyz. Ol túrki tildes elderdi biriktirýge asa qajet. Árıne, biz bul konkýrsqa qatysýdaǵy barlyq jaýapkershilikti jaqsy túsindik. Sondyqtan Qazan qalasyna barǵanǵa deıin jaqsylap daıyndaldyq. Biz konkýrsqa óte salmaqty týyndy aparý kerek ekenin jaqsy bildik, sondyqtan daıyndyq jumystaryna óte kóp kásibı mamandar tartyldy" , - dep atap ótti ol.