B.Baıbek: «Nur Otan» partııasynyń maqsaty - saılaý naýqanyna belsendi qatysý

ASTANA. QazAqparat - Búgin «Nur Otan» partııasynyń Tóraǵasy Nursultan Nazarbaev 2015 jyldyń 11 naýryzynda partııanyń kezekti XVI Sezin ótkizý jónindegi Qaýlyǵa qol qoıdy. Bul týraly búgin «Nur Otan» partııasynyń selektorlyq jıynynda partııa Tóraǵasynyń birinshi orynbasary Baýyrjan Baıbek málim etti.

«Bizde ýaqyt óte az. Partııanyń maqsaty - saılaý naýqanyna belsendi qatysý. Sondyqtan bir aptanyń kóleminde tıisti jumystardy daıyndap bitirýimiz kerek. Sonymen qatar bizge sez delegattaryn saılaý qajet: birinshiden, 26-28 aqpan kúnderi bastaýysh uıym arasynda, ıaǵnı eki kúnde jáne 2-3 naýryzda - aýmaqtyq fılıaldarda, al 4-5 naýryzdarda - aımaqtyq fılıaldarda delegattar saılanady», - dedi B.Baıbek. Onyń sózine qaraǵanda, sezge shamamen 1200-ge tarta delegat qatysady. «Bul - tarıhı sez. Sondyqtan eldiń barlyq aımaqtarynan 1200-ge tarta delegat qatysady. Sonyń ishinde 200-ge jýyq bastaýysh uıymnan, júzdegen delegat aýyl men aýdandardaǵy «nurotandyqtar» bolady. Qatardaǵy partııa músheleriniń osynaý tarıhı oqıǵaǵa qatysýy bizge óte mańyzdy, olar halyqqa jetkizgimiz kelgen negizgi mindetterdi tyńdaýlary kerek», - dedi ol.