B.Baqaýov «Ertis-Qazhrom» qyzdar komandasyn júldesimen quttyqtady
ASTANA. QazAqparat - Pavlodar oblysynyń ákimi Bolat Baqaýov Qazaqstan Respýblıkasy áıelder arasyndaǵy voleıbol chempıonatynyń qola júldegeri - «Ertis-Qazhrom» komandasyn quttyqtady, dep habarlady oblys ákimdiginiń baspasóz qyzmeti.
«Sizderdiń el birinshiliginde oljalaǵan qola medalderińiz oblysymyzdyń sport salasyndaǵy mereıin ósirdi. Oblys turǵyndary, komanda jankúıerleri sizderdiń oıyndaryńyzdyń ár matchyn asqan qyzyǵýshylyqpen tamashalady. Áıelder komandasy ózderiniń talaı jarystarda shyńdalǵan sheberligi men sporttyq kásibıligi arqasynda jeńiske jetip, bizdi qýantady dep senemin», dedi oblys ákimi.
Sonymen birge, aımaq basshysy oblystaǵy voleıbol jáne basqa da dástúrli sport túrlerin damytý men qoldaý kórsetý ary qaraı jalǵasatynyn atap ótti.
Esterińizge sala keteıik, sońǵy segiz jyl ishinde «Ertis-Qazhrom» áıelder vleıbol komandasy Qazaqstan Respýblıkasy chempıonattarynyń túrli dárejedegi medalderine ıe boldy. 2008, 2010, 2011 jyldary komanda Qazaqstan Respýblıkasy Kýbogynyń júldegeri bolsa, 2009 jáne 2014 jyldary Qazaqstan Respýblıkasy Kýbogynyń qola medalderin ıelendi, al, ústimizdegi 2016 jyly -Qazaqstan Respýblıkasy chempıonatynyń «qola» medalderine qol jetkizdi.
