B.Áıtimova qazaqstandyq jastardy nesıege ómir súrýge shaqyrdy

ASTANA. QazAqparat - Qazaqstan Prezıdentiniń qoljetimdi baspanaǵa qatysty tamasha usynysyn jastar tıimdi paıdalanýy tıis. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Parlamenti Senatynyń depýtaty Birǵanym Áıtimova aıtty.

«Esterińizde bolsa, Prezıdent qoljetimdi baspana boıynsha tamasha usynys jasaǵan bolatyn. Endi bul múmkindikti jastar paıdalanýy qajet. Negizi jaldamaly baspana, nesıege tómengi paıyzdyq stavka kózdelgen mundaı normany kez kelgen elden kórmeısizder. Munyń barlyǵy jastardyń jumys isteı alýlary úshin jasalyp otyr», - dedi B.Áıtimova BAQ ókilderiniń saýalyna oraı.

Osy rette senator qazaqstandyqtarǵa sheteldik qurdastaryn mysalǵa keltirip ótti.

«Bile bilseńizder, shetelde jastar osylaı isteıdi. Olar ózderiniń múmkindiginshe ómir súredi. Olar nesıe alyp, ómir súredi. Kolledjde bilimdi de nesıemen alady. Sodan keıin qalaı bolǵanda da jumys tabýǵa tyrysady. Olar stýdenttik jyldarynda sabaqqa deıin ne keıin daıashy nemese qyzmet kórsetýdiń basqa da salalarynda jumys isteıdi. Osylaısha nesıelerin aqyryndap óteıdi. Al odan keıin baspana qajet bolǵanda jaldamaly úı alady», - dedi senator.