B.Asad armııasy Damask áýejaıyn tastap ketti
ASTANA. 29 tamyz. QazAqparat - Sırııa prezıdenti Bashar Asadtyń armııasy eldiń áskerı-áýe kúshteriniń negizgi bazasy bolyp tabylatyn Damask áýejaıyn tastap ketti, dep habarlaıdy RBK Al Arabiya telearnasyna silteme jasap.
Ázirge munyń sebepteri málim bolǵan joq.
Buǵan deıin BAQ-ta búgin Batys elderiniń Sırııaǵa basyp kirýi múmkin degen aqparat taraǵan bolatyn. AQSh prezıdenti Barak Obama Ákimshiligindegi tulǵa amerıkalyqtar 29 tamyz kúni Sırııaǵa áskerı shabýyl jasaýy múmkin dep habarlaǵan edi.
Buǵan deıin B.Obama Sırııada hımııalyq qarý qoldanylýyna qandaı jaýap bolatyny jóninde sheshim ázirge qabyldanǵan joq ekenin málimdegen bolatyn. Aq úı basshysynyń aıtýynsha, AQSh-ta hımııalyq qarýdy Sırııa úkimetiniń qoldanǵanyn dáleldeıtin derekter bar. Birikken Ulttar Uıymyndaǵy Sırııanyń ókili Bashar Djaafarı «Batys elderi shabýyl jasaǵan jaǵdaıda Damask qorǵaný quqyǵyn paıdalanady» dep málimdedi.
Eske salaıyq, 21 tamyz kúni BAQ-ta hımııalyq qarý qoldanylǵany jáne odan 3,5 myń adam zardap shegip, 355 adam qaza bolǵany jóninde habar taraǵan bolatyn.
