B. Ábdiraıym «Áskerı-strategııalyq zertteýler ortalyǵy» aktsıonerlik qoǵamy Dırektorlar keńesiniń tóraǵasy bolyp saılandy
2012 jyldan bastap B.Ábdiraıym osy ortalyqty basqaryp kelgen. 2013 jyldyń qazanynda Qazaqstan Respýblıkasy Prezıdentiniń jarlyǵymen QR Qorǵanys mınıstriniń orynbasary laýazymyna taǵaıyndaldy.
B.Ábdiraıym 1965 jyly dúnıege kelgen, zań ǵylymdarynyń doktory, professor, QR UǴA akademıgi, QR Zań ǵylymdary akademııasynyń akademıgi.
B.Ábdiraıym uzaq ýaqyt boıy Qazaqstan Respýblıkasy memlekettik organdarynda joǵary laýazymdy qyzmetter atqarǵan (QR Prezıdenti ákimshiligi, QR Joǵary Soty, QR Parlamenti jáne t.b.). Sonymen qatar, L.N.Gýmılev atyndaǵy Eýrazııa ulttyq ýnıversıtetiniń rektory qyzmetin atqarǵan.
Sonymen qatar, Dırektorlar keńesiniń jańa múshesi retinde «ÁSZO» AQ Prezıdenti, zań ǵylymdarynyń doktory, general-maıor Karbýzov Qozy-Kórpesh Japarhanuly saılandy.
1959 jyly týylǵan Q-K. Karbýzov 2013 jyly QR Qorǵanys mınıstriniń buıryǵymen «ÁSZO» AQ prezıdenti bolyp taǵaıyndaldy.
Uzaq jyl boıy QR memlekettik organdarynda joǵary laýazymdarda qyzmet atqarǵan (QR Ulttyq qaýipsizdik komıteti, QR Qarjy mınıstriliginiń Kedendik baqylaý komıteti, QR Bas prokýratýrasy jáne t.b.).
Sonymen qatar, otyrysta Ortalyqtyń qarjy jáne ákimshilik sharalaryna qatysty máseleler qarastyryldy.
Atap aıtqanda Ortalyqtyń vıtse-prezıdenti retinde Mamytbekov Edil Qulamqadyruly saılandy.
E.Mamytbekov 1964 jyly týǵan, fızıka-matematıka ǵylymdarynyń doktory, dotsent, Jaratylystaný ǵylymdary akademııasynyń múshe-korrespondenti, QR Halyqaralyq Injenerler Akademııasynyń múshe-korrespondenti.
Ol uzaq ýaqyt boıy QR memlekettik organdarynda jaýapty laýazymdarda qyzmet atqarǵan (QR Úkimeti, QR Prezıdenti ákimshiligi, QR Indýstrııa jáne saýda mınıstrligi, Keden Odaǵy Komıssııasy jáne t.b.).
Ortalyqtyń vıtse-prezıdenti bolyp saılanýynan buryn «ÁSZO» AQ Áskerı boljaý jáne ozyq tehnologııalar departamentiniń dırektory qyzmeti atqarǵan.