Azyq-túliktiń shekti baǵasyn baqylaý týraly úsh mınıstrliktiń birlesken buıryǵy kúshin joıdy

NUR-SULTAN. QazAqparat - Áleýmettik mańyzy bar azyq-túlik taýarlarynyń shekti baǵasy týraly úsh mınıstrliktiń birlesken buıryǵynyń merzimi aıaqtaldy, dep habarlaıdy QazAqparat QR Saýda jáne ıntegratsııa mınıstrliginiń baspasóz qyzmetine silteme jasap.

11 mamyrda Qazaqstan Respýblıkasy Prezıdentiniń 2020 jylǵy 15 naýryzdaǵy № 285 Jarlyǵyna sáıkes engizilgen tótenshe jaǵdaı aıaqtaldy.

«Osyǵan baılanysty, Qazaqstan Respýblıkasyndaǵy tótenshe jaǵdaı kezeńinde QR Saýda jáne ıntegratsııa mınıstriniń 2020 jylǵy 3 sáýirdegi № 63-NQ, QR Aýyl sharýashylyǵy mınıstriniń 2020 jylǵy 3 sáýirdegi № 113 jáne QR Ulttyq ekonomıka mınıstriniń 2020 jylǵy 3 sáýirdegi № 23 «Áleýmettik mańyzy bar azyq-túlik taýarlarynyń shekti bólshek saýda baǵalaryn engizý týraly» birlesken buıryǵy kúshin joıdy.

Joǵaryda aıtylǵandardy eskere otyryp, áleýmettik mańyzy bar azyq-túlik taýarlarǵa baǵanyń ósýine jol bermeý úshin áleýmettik mańyzy bar azyq-túlik taýarlardyń baǵalaryn turaqtandyrý boıynsha qoldanystaǵy quraldar paıdalanylady», delingen habarlamada.