Azyq-túliktiń negizgi túrleriniń baǵasy shilde aıynda turaqty bolady - A.Kúrishbaev
ASTANA. Shildeniń 20-sy. QazAqparat /Rýslan Ǵabbasov/ - Azyq-túliktiń negizgi túrleriniń baǵasy shilde aıynda turaqty bolady.
Bul týraly búgin Úkimet otyrysynda Aýyl sharýashylyǵy mınıstri Aqylbek Kúrishbaev málim etti.
«Statıstıka agenttiginiń málimeti boıynsha, bıylǵy jyldyń basynan beri ınflıatsııanyń deńgeıi respýblıkada 4,4 paıyzdy qurady. Inflıatsııanyń negizgi úlesine azyq-túlik taýarlary yqpal etti, ıaǵnı 5,6 paıyz deńgeıimen», -dep atap ótti mınıstr.
Onyń sózine qaraǵanda, ınflıatsııadaǵy azyq-túlik taýarlarynyń úlesi maýsym aıynda 0,7 paıyzdan 0,1 paıyzǵa deıin tómendedi. Óńirler boıynsha baǵanyń ósý deńgeıi Astanada, BQO-da, OQO, ShQO, sondaı-aq Jambyl oblystarynda baıqalyp otyr. Osy aımaqtarda baǵanyń ósimi ortasha respýblıkalyq deńgeıden joǵary.
«QazAgroMarketıng» AQ-nyń málimeti boıynsha azyq-túliktiń negizgi túrlerine baǵa shildede turaqty bolady. Jumyrtqa, kartop, sút, pııazǵa baǵanyń tómendeýi baıqalýda», - dedi A.Kúrishbaev.
Mınıstrdiń aıtýynsha, sábiz, qyryqqabat, sary maı, sondaı-aq qus eti baǵasynyń joǵarylaýy aıqyndalyp otyr. Osy azyq-túlik taýarlaryna baǵanyń ósýi OQO, ShQO, Qyzylorda, Qaraǵandy, Jambyl, Aqmola, Atyraý oblystarynda, Almaty jáne Astana qalalarynyń esebinen oryn alyp otyr.
Joǵaryda atalǵan taýarlar baǵasynyń joǵarylaýy sebebine jasalǵan taldaýǵa qaraǵanda, baǵa saýda jelilerinde ósken. Al óndirýshilerdiń baǵasy sol qalpynda, ózgermegen.
