Azyq-túliktiń qymbattaýyna ne yqpal etti – mınıstr jaýaby

ASTANA. QazAqparat – QR Saýda jáne ıntegratsııa mınıstri Serik Jumanǵarın azyq-túlik baǵasyn turaqtandyrý týraly tilshiler suraǵyna jaýap berdi, dep habarlaıdy QazAqparat tilshisi.

«Aramyzda ótirik bolmasyn. Men baǵa turaqty bolady dep aıtqan emespin. Bizdiń maqsatymyz – baǵanyń ósý serpinin toqtatý. Baǵa turaqty bolý úshin ózimizdi azyq-túlikpen qamtamasyz etip, azyq-túlik qaýipsizdigin joǵarylatý kerek. Qazir azyq-túliktiń 40%-y Reseıden jetkiziledi. Buryn 1 rýbl 4 teńge bolsa, qazir ol 8 teńge boldy. Reseıdegi azyq-túlik ınflıatsııasy – 15%. Baǵa qalaı turaqtaıdy», - dedi Saýda mınıstri Úkimet kýlýarynda.

Sonymen birge, S. Jumanǵarın jańa jyl qarsańynda baǵa aspandap ketpeı me degen suraqqa jaýap berdi.

«Aspandap ketpeıdi. Biraq sizge (baǵa – red.) turaqty bolady dep ýáde bere almaımyn», - dedi ol.