Azyq-túliktiń qymbatshylyǵy: Qansha saýda nysany baǵa erejesin buzǵan

NUR-SULTAN. QazAqparat – QR Básekelestikti qorǵaý jáne damytý agenttiginiń tóraǵasy Serik Jumanǵarın elimizde áleýmettik mańyzy bar azyq-túlik baǵasyn turaqtandyrýǵa arnalǵan sharalar týraly aıtty, dep habarlaıdy QazAqparat.

«Agenttik baǵa ósimine qatysty birqatar ekonomıkalyq obektıvti faktorlarǵa qaramastan, monopolııaǵa qarsy áreket etýge arnalǵan keshendi sheshim qabyldady. Jyl basynan beri naryq sýbektilerine 50 zańbuzýshylyq týraly eskertý jiberildi. Onyń ishinde jumyrtqa boıynsha – 19, kúnbaǵys maıy – 11, qant – 11, qaraqumyq – 4, sút ónimderi – 2, qus eti – 2 jáne rojkı-1 habarlama», - delingen S. Jumanǵarınniń depýtat saýalyna jaýabynda.

Sondaı-aq, 77 aýyl sharýashylyǵy taýar óndirýshilermen baǵa ashyqtyǵyn qamtamasyz etý maqsatynda monopolııaǵa qarsy kúres kelisimi jasaldy.

«Joǵarydaǵy eskertý jiberilgen taýar óndirýshilerdiń ishinde 49-y jumyrtqa, qant jáne qaraqumyq baǵasyn 5-ten 10 paıyzǵa deıin tómendetetinin jarııa etti. Nátıjesinde eger jyl basynan beri taýarlardyń apta saıynǵy baǵasynyń kóterilýi 0,5 %-dy qurasa, habarlamadan soń baǵa ósimi 0-0,2%-ǵa tómendedi» - deıdi ol.

Buǵan deıin agenttik basshysy bıyl elimizde qandaı azyq-túlik baǵasynyń óskeni týraly aıtyp berdi.