Azyq-túlikti arzandatý úshin 1300-den astam taýarǵa kedendik baj alynyp tastaldy

ASTANA. QazAqparat – Reseı men Belarýske qatysty qabyldanyp jatqan shekteý sharalaryn eskere otyryp, eýrazııalyq áriptestermen birlese daǵdarysqa qarsy sharalar tizbesi bekitildi. Bul týraly Saýda jáne ıntegratsııa mınıstri Serik Jumanǵarın vedomstvonyń keńeıtilgen alqa otyrysynda málim etti, dep habarlaıdy «QazAqparat» tilshisi.

«Reseı men Belarýske qatysty qabyldanyp jatqan shekteý sharalaryn eskere otyryp, eýrazııalyq áriptestermen birlese daǵdarysqa qarsy sharalar tizbesi bekitildi. Naryqty qajetti azyq-túlikpen qamtý jáne baǵanyń ósýin tejeý maqsatynda ımporttyń 1300-den astam taýaryna kedendik bajdar alynyp tastaldy. Sonymen birge, Iranmen erkin saýda aımaǵy týraly kelisim 2025 jylǵa deıin uzartyldy. Ol qazaqstandyq eksportty 9,3%-ǵa, ıaǵnı 282,7 mln dollarǵa deıin ósirýge múmkindik beredi», - dep toqtaldy Serik Jumanǵarın.

Onyń aıtýynsha, erkin saýda aımaǵy týraly kelisimdi Indonezııa jáne Birikken Arab Ámirligimen jasaý josparlanyp otyr. Oǵan sáıkes, boljamdy eksporttyq ósim 1 mlrd dollardan asady. Budan ózge vıtse-premer aldaǵy ýaqytta seriktes eldermen kóliktik-logıstıkalyq marshrýttardy damytý boıynsha jumystar atqarylatynyn atap ótti.

Buǵan deıin mınıstr eldiń Ózbekstanmen aradaǵy shekarasynda «Ortalyq Azııa» halyqaralyq ónerkásiptik kooperatsııa ortalyǵy qurylyp jatqanyn málim etti.