Azyq-túlik jónindegi IU shtab-páteriniń Qazaqstanda ornalasýynyń artyqshylyǵy

ASTANA. QazAqparat - QR Parlamenti Senattyń Agrarlyq máseleler, tabıǵatty paıdalaný jáne aýyldyq aımaqtardy damytý komıtetinde «Qazaqstan Respýblıkasy Úkimeti men Azyq-túlik qaýipsizdigi jónindegi Islam uıymy arasynda shtab-páter týraly kelisimdi ratıfıkatsııalaý týraly» zań jobasy qaraldy, dep habarlaıdy QazAqparat.

«Qazir biz uıymnyń shtab-páterine qatysty sońǵy qujatty ratıfıkatsııalamaqpyz. Uıymnyń shtab-páteri Astanada ornalasady. Munyń biz úshin paıdasy kóp. Birinshiden, ony qazaqstandyq basqarady jáne 4 jyldyq ókilettigi bolady. Biz osy uıymnyń qarajatyna kepildendirilgen azyq-túlikti satamyz. ıAǵnı, biz keminde mıllıon tonna azyq-túlikti jónelte alamyz jáne óndirýshilerimiz óz ónimderin tıimdi baǵamen sata alady»,-  dedi zań jobasyn tanystyrǵan QR Aýyl sharýashylyǵy vıtse-mınıstri Rústem Qurmanov.

Onyń aıtýynsha, ekinshiden, elimiz uıymnyń shtab-páterin óz aýmaǵynda ornalastyrý arqyly ınfraqurylymdyq jobalardy júzege asyrýǵa, úshinshiden,  tehnıkalyq kómek alýǵa múmkindik alady.

«Qazaqstan bul uıymdy ustap turý úshin bastapqy 3 jylda qarjy bólip otyrady. Jylyna 749 myń dollar shyǵyndaıtyn bolady. Onyń esesine biz bul uıymnyń azyq-túlikpen ózara kómek qoryn alamyz. Al ol 50-den 100 mln dollarǵa deıingi aralyqta qalyptasady. Bul aqshaǵa eń birinshi kezekte Qazaqstannyń azyq-túligi satylady. Shyǵyn bar, biraq kiris odan da kóp», - dedi vıtse-mınıstr.