Azyq-túlik jetkizý isine saıasatty aralastyrmaı, kez kelgen sanktsııadan bosatýymyz kerek - Toqaev

ASTANA. QazAqparat - Memleket basshysy BRIKS sammıtinde azyq-túlik qaýipsizdigi máselesin kóterdi, dep habarlaıdy QazAqparat.

«Osy jaǵdaıǵa baılanysty azyq-túlik qaýipsizdigi de jahandyq kún tártibinde aıryqsha mańyzǵa ıe bola bastady. Búginde álemdegi azyq-túlik óndirýshi tórt iri eldiń úsheýi – BRIKS músheleri. Al BRIKS elderiniń aýyl sharýashylyǵy salasyndaǵy JІÓ jıyntyq mólsheri álemdik kórsetkishtiń jartysynan asady. Elderimiz arasyndaǵy azyq-túlik teńgerimsizdigin azaıtý úshin tıisti sharalar qabyldaýymyz qajet. Biz álemdegi azyq-túlik pen tyńaıtqysh jetkizý isine saıasatty aralastyrmaı, olardy kez kelgen sanktsııa men shekteýler yqpalynan bosatýymyz kerek», - dep atap ótti Prezıdent Qasym-Jomart Toqaev.

Onyń aıtýynsha, Ońtústik Afrıka Respýblıkasy tóraǵalyǵy aıasyndaǵy «BRIKS jáne Afrıka» uranyna saı, Qazaqstan da BRIKS elderimen jáne Afrıka odaǵymen kópjaqty yntymaqtastyqty nyǵaıtýǵa umtylady.

«Qazaqstan qatysýshy memleket retinde BRIKS áleýetin arttyrýǵa úles qosqysy keledi. Men jahandyq qaýipsizdikti, ornyqty damýdy jáne ınklıýzıvtilikti qamtamasyz etýge baǵyttalǵan ujymdyq kúsh-jigerdi arttyrý qajet ekenine senimdimin», - dedi Memleket basshysy.