Azyq-túlik jetkilikti, jappaı satyp alýdyń qajeti joq - Almaty ákimdigi
«Keshe gıpermarketterde, iri saýda núktelerinde adamdar azyq-túlikti jappaı satyp alyp jatty. Olaı jasaýdyń qajeti joq. Turǵyndar osyndaı áreketterimen baǵanyń ósýine ózderi jol beredi. Bul naryqtaǵy qalypty jaǵdaı. Suranystyń óskenin baıqaǵan jetkizýshiler osy sátti paıdalanyp qosymsha aqsha tabýǵa tyrysady. Árıne, biz óz tarapymyzdan aldyn alý sharalaryn qoldandyq, barlyǵymen sóılestik. Biz bul protsesti barynsha saqtaımyz, biraq naryqtyń aty naryq. Mysaly, qanttyń baǵasy aıtarlyqtaı ósti», – deıdi Almaty qalalyq kásipkerlik jáne ınvestıtsııalar basqarma basshysy Erkebulan Orazalın.
Sondaı-aq, ol taýarlardyń basym bóligi otandyq ónim ekenin atap ótti.
«Dúken sórelerindegi azyq-túlik azaımaıdy. Biz barlyǵymen únemi baılanysta bolamyz. Saýda oryndarynyń qoımalarynda taýar jetkilikti. Sondyqtan bir jylǵa tamaq alýdyń qajeti joq»,- dedi ol.
Spıkerdiń aıtýynsha, eger qalada karantın jarııalansa, álemdik tájirtbegee súıenedi. ıAǵnı vırýsqa qaramastan azyq-túlik dúkenderi jabylmaıdy. Olar qalypty rejimde jumys isteıtin bolady. Halyq osyny túsinýi kerek.
« Azyq-túlik baǵasyna kúndelikti monıtorıng júrgizilip otyrady. Basqa elden keletin taýarlar temirjol arqyly jetkiziledi. Jalpy, qaladaǵy áleýmettik mańyzy bar azyq-túlik ónimderiniń jyldyq tutynýy 860 myń tonnany quraıdy»,- dep qortyndylady Erkebulan Orazalın.
