Azyq-túlik turaqtandyrý qorlaryn qalyptastyrý kezinde zań buzǵandarǵa jaýaptylyq engiziledi - Májilis
ASTANA. 31 mamyr. QazAqparat - Búgin Májilis Tóraǵasy Nurlan Nyǵmatýlınniń tóraǵalyǵymen ótken palatanyń jalpy otyrysynda depýtattar «Qazaqstan Respýblıkasynyń keıbir zańnamalyq aktilerine agroónerkásiptik keshendi damytý jáne qoldaý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda maquldady.
Endi zań jobasy Senattyń qaraýyna joldanady.
Atalǵan zań jobasyna Parlamenttiń bir top depýtaty bastamashylyq jasaǵan bolatyn. Qujattyń maqsaty azyq-túlik taýarlarynyń óńirlik turaqtandyrý qorlaryn qalyptastyrý jáne paıdalaný úshin zańnamalyq baza qurý bolyp tabylady. Bul rette Turaqtandyrý qory maýsymaralyq kezeńde tıisti ákimshilik-aýmaqtyq birliktiń agroónerkásiptik naryǵyna retteýshilik yqpal jasaıtyn, azyq-túlik qaýipsizdigin qamtamasyz etý úshin paıdalanylatyn, sondaı-aq astyqty qospaǵanda, azyq-túlik taýarlarynyń jedel qoryn bildiredi. Bul qor saqtalý merzimi 6 aıdan asatyn áleýmettik mańyzy bar azyq-túlik taýarlarynyń tizbesi boıynsha qalyptasatyn bolady.
Sonymen birge, zań jobasymen ósimdikterdi qorǵaýdyń ınnovatsııalyq ádisterin engizýdi kózdeıtin normalar engizildi. Osyǵan oraı, respýblıkamyzda qoldanylatyn otandyq óndiris gerbıtsıdteriniń assortımenti óte az ekendigin eskere otyryp, depýtattar shyǵatyn eline qaramastan gerbıtsıdterdiń barlyq túrlerin sýbsıdııalaýdy usynady.
Ekinshi oqylymǵa ázirleý barysynda depýtattar Úkimet qorytyndysymen maquldanǵan birqatar túzetýler jasady. «Azyq-túlik taýarlarynyń óńirlik turaqtandyrý qorlaryn qalyptastyrý jáne paıdalaný kezinde zańnama talaptarynyń buzylǵany úshin jaýaptylyqty kózdeıtin jańa bappen tolyqtyryldy. Óıtkeni, zań jobasymen negizdeletin satyp alý jáne taýar ınterventsııalaryn júrgizý tetikteri óńirlik turaqtandyrý qorlaryn basqarý jónindegi sýbektiler mindetteriniń aýqymyn keńeıtedi», - deıdi depýtat Raýan Shaekın. Budan bólek, sybaılas jemqorlyq quqyq buzýshylyqty boldyrmaý maqsatynda zań jobasy «tirkelgen baǵa» degen jańa uǵymmen tolyqtyryldy.
