Azyq-túlik ónimderi men janar-jaǵarmaı materıaldary baǵasynyń ósýine jol berilmeıdi

Oblys ákimdiginde aımaq basshysy Berdibek Saparbaevtyń tóraǵalyǵymen ótken keńeste áleýmettik mańyzdy taýarlardyń baǵasyna qatysty másele talqylandy dep habarlady «Aqtóbe aqparat» baspasóz ortalyǵynan.

Oblystyq kásipkerlik basqarmasynyń basshysy Anar Darjanova aǵymdaǵy jyldyń qańtar-qazan aılarynda azyq-túlik taýarlaryna ınflıatsııa deńgeıi 104,4 paıyz qurady, bul respýblıkalyq deńgeıden 1,3 paıyzǵa tómen.

- Monıtorıngke sáıkes 21 pozıtsııa boıynsha áleýmettik mańyzy bar azyq-túliktiń 33 túriniń bólshek saýda baǵasy burynǵy deńgeıde qalýda. 5 pozıtsııa: kespe, qaraqumyq jarmasy, aq qaýdandy qyryqqabat, túıindi pııaz, qumsheker boıynsha baǵa tómendep, 7 pozıtsııa boıynsha baǵanyń ósýi baıqalady: olar - ósimdik maıy, 2,5% maılylyqtaǵy sút, máıekti irimshik, 2,5% jáne 3,2% maılylyqtaǵy aıran, taýyq jumyrtqasy jáne túıirshektelgen shaı,- dep atap kórsetti Anar Darjanova.

Oblysta 715 kásiporynmen, bólshek saýdamen shuǵyldanatyn iri kásiporyndarmen, kóterme jetkizýshilermen jáne taýar óndirýshilermen jasalǵan 530-dan astam memorandým jumys isteýde, soǵan sáıkes óndiriletin ónimderge baǵanyń negizsiz ósýine jol berilmeıdi.

QR Táýelsizdiginiń 25 jyldyǵyn merekeleý qurmetine 1 qarashadan 31 jeltoqsanǵa deıin oblys basshylyǵynyń bastamasy boıynsha «Anvar» jáne «Dına» iri saýda jelileri sút, taýyq jumyrtqasy, et, qant, t.b. qospaǵanda, áleýmettik máni bar azyq-túlik taýarlarynyń 20 túrine, baǵany turaqty ustaý boıynsha aktsııa ótkizýde. Júıeli sharalardy qabyldaý, baqylaý jasaý, monıtorıng boıynsha jumystar tutyný naryǵyndaǵy baǵalardy turaqtandyrý jónindegi oblystyq shtabtyń ótkiziletin májilisterinde úılestiriledi, osyndaı shtabtar oblystyń aýdandarynda da jumys isteýde. Jyl basynan beri oblysta 350 oblystyq jáne aýdandyq aýyl sharýashylyǵy jármeńkeleri ótkizilip, olarda bazardaǵydan 10-15 paıyzǵa tómengi baǵamen 898,3 mıllıon teńgeniń ónimderi ótkizildi. Turaqtandyrý qoryn qalyptastyrý aıasynda «Bazarlardy basqarý» JShS men «Prıgorodnyı aýyl sharýashylyǵy fırmasy» JShS arasynda kılogramy 50 teńgeden 1000 tonna kartop, 45 teńgeden 136 tonna sábiz, 30 teńgeden 60 tonna qyryqqabat, 55 teńgeden 10 tonna qyzylsha jetkizýge kelisimshart jasaldy.

Aımaqaralyq kooperatsııa aıasynda elimizdiń ońtústik óńirlerinen kókónis jáne basqa ónimderdi tikeleı jetkizý uıymdastyryldy. Qazirdiń ózinde Qyzylorda oblysynan 88 tonna kúrish, 64 tonna as tuzy, Qostanaı oblysynan birinshi sortty 40 tonna un, 40 tonna sıyr eti, Jambyl jáne Ońtústik Qazaqstan oblystarynan 200 tonnadan astam kókónis ónimderi jetkizildi. Bul ónimder «Tabys» kommýnaldyq bazarynda 10 paıyzdan aspaıtyn saýda ústemesimen jalpy somasy 70,6 mıllıon teńgege satyldy. Sondaı-aq, «Anvar» jáne «Dına» saýda jelileri Qyzylorda oblysynyń 18 kásiporyndarymen 353 mıllıon teńgege ónimder jetkizýge ózara yntymaqtastyq týraly kelisimshartqa qol qoıdy. Oblysta áleýmettik jaǵynan qorǵalmaǵan turǵyndar úshin 166 áleýmettik buryshtar, 2 áleýmettik dúken, 2 komıssııalyq bólim jumys isteıdi.

Tabıǵı monopolııalardy retteý jáne básekelestikti qorǵaý jónindegi komıtettiń oblystyq departamentiniń basshysy Gúlnur Masına áleýmettik mańyzdy taýarlarǵa baǵany turaqtandyrýdy qamtamasyz etý úshin monopolııaǵa qarsy organ apta saıyn azyq-túlik taýarlary men janar-jaǵarmaı materıaldaryna baǵa monıtorıngin júrgizetindigin, sondaı-aq baǵanyń kúrt jáne negizsiz kóterilýiniń sebepterin, taýar qardarlylyǵy, monopolııalyq joǵary baǵa, baǵalyq «kelisimder» jóninde anyqtaıtyndyqtaryn habarlady.

Qazirgi ýaqytta azyq-túlik taýarlary bazarlaryndaǵy tekserýler aıaqtala keldi, onyń ishinde nan men qantqa bosatý baǵasyn belgileýde kelisilgen áreketter, taýyq jumyrtqasy baǵasyn ósirý, sondaı-aq suıytylǵan gazdy 16 bólshek ótkizýshiler turǵysynan derekter bar.

- Eń basty másele - bul nan, jumyrtqa, maı, qant jáne suıytylǵan gaz baǵasynyń negizsiz ósýine jol bermeý. Qazirgi ýaqytta óńirde baǵany kóterý úshin eshqandaı negiz joq. Buǵan qaramastan, bul máseleni udaıy baqylaýda ustap, kún saıyn baǵa monıtorıngin júrgizip, áleýmettik mańyzdy ónimderge baǵanyń kóterilmeýi úshin barlyq sharalar qabyldanýy tıis. Memorandýmdardyń oryndalýy men aýyl sharýashylyǵy jármeńkelerin ótkizýge de osyndaı talappen qaraımyz, merekeler aldynda turǵyndar qajetti azyq-túlik ónimderin tómengi baǵamen satyp alýy tıis, - dep tujyrymdady sózi oblys ákimi Berdibek Saparbaev.