Azyq-túlik óndirisin damytýǵa 22,5 mlrd teńge bólindi

NUR-SULTAN. QazAqparat – Jumyspen qamtýdyń jol kartasy aıasynda bólingen 22,5 mlrd teńgeniń mıkrokredıti et, sút jáne basqa da azyq-túlik ónimderin shǵarýǵa jumsalady, dep habarlaıdy QazAqparat tilshisi.

Eńbek jáne halyqtyń áleýmettik qorǵaý mınıstri Serik Shápkenov Úkimet otyrysynda aıtqan málimeti boıynsha, atalmysh qarajat aldyn ala tizimi bekitilgen 5400 jobaǵa bólinýi tıis.

«Jalpy somasy 22,5 mlrd. teńgeni quraıtyn 5,4 myń jobanyń aldyn ala tizimi ázirlendi. Tizimge et, sút, azyq-túlik ónerkásibi ónimderin óndirý jáne óńdeý, qyzmet kórsetý jáne taǵy basqa salalardaǵy bıznes jobalar endi», - dedi mınıstr.

Serik Shápkenov mıkrokredıt berýdiń tıimdiligin arttyrý úshin «Atameken» ulttyq kásipkerler palatasy men jergilikti ákimdikter 15 mıkroqarjy uıymyn qurǵanyn atap ótti.

«Mıkrokredıt alýshylar 10,6 myń qosymsha jumys oryndaryn qurady. Agroónerkásip keshenin damytý baǵyty boıynsha Aýyl sharýashylyǵy mınıstrligimen jáne «Báıterek» Holdıngimen birlesip jalpy quny 100 mlrd. teńgeni quraıtyn 42 ınvestıtsııalyq joba iske asyrylady. Sońǵy qaryz alýshy úshin syıaqy mólsherlemesi sýbsıdııalaý arqyly 6 paıyzdan aspaıtyn bolady.2,2 myń ýaqytsha jáne 3,8 myń turaqty jumys oryndary qurylady», - dedi vodemstvo basshysy.