Azyq-túlik korporatsııasymen 2 mln. tonna astyq satyp alý kelisim-sharttary jasalyp, 900 myń tonna astyq satyp alyndy
TANA. 10 qazan. QazAqparat /Qanat Mámetqazyuly/ - Azyq-túlik korporatsııasymen 2 mln. tonna astyq satyp alý kelisim-sharttary jasaldy.
Qazirgi tańda 900 myń tonna astyq satyp alyndy. Búgin QR Parlamenti Májilisinde «Astyq salasy: jaǵdaıy men perspektıvalary» atty taqyrypta ótken Úkimet saǵatynda Aýyl sharýashylyǵy mınıstri Asyljan Mamytbekov osylaı málimdedi.
Mınıstrdiń aıtýynsha, bıylǵydaı astyqtyń mol jylynda suranys pen usynys teńsizdigi bıdaıdyń naryqtaǵy qunyn túsirip jiberýi yqtımal. Bul buǵan deıingi tájirıbede oryn alǵany belgili. Al qazirgi jaǵdaıǵa keletin bolsaq, jyl basynda bıdaıdyń tonnasy 45-50 myń teńgeni qurasa, qazirgi baǵa 22-23 myń teńgeni qurap otyr. «Sol sebepten Azyq-túlik korporatsııasy ár tonnasyn 25 myń teńgeden 5 mln. tonna bıdaı satyp alatyn bolady. Bul shara naryqtan artyq astyqty alýǵa, sondaı-aq aýyl sharýashylyǵy taýaryn óndirýshilerge qaryzdaryn óteýge múmkindik beredi. Sonymen qatar, birinshi kezekte astyq shaǵyn jáne orta sharýashylyqtardan satyp alynatyn bolady», - deıdi A. Mamytbekov.
Mınıstrdiń sózine qaraǵanda, qazannyń 10-yndaǵy málimet boıynsha 2 mln. tonna astyq satyp alýǵa kelisim-sharttar jasalǵan. «Búgingi kúni 900 myń tonna bıdaı satyp alyndy», - deıdi mınıstr.
