«Azyq-túlik korporatsııasy» astyqty satyp alý baǵasyn ózgertpeıdi - E. Aman
ASTANA. Qyrkúıektiń 21-i. QazAqparat /Qanat Mámetqazyuly/ - «Azyq-túlik kelisimshart koporatsııasy» AQ astyqty satyp alý baǵasyn kótermeıdi. ıAǵnı, baǵa ózgerissiz qalady. Bul týraly búgin «Bnews» aqparattyq portalynda ótken Onlin konferentsııa barysynda aýyl sharýashylyǵy mınıstrliginiń Jaýapty hatshysy Evgenıı Aman málim etti.
Konferentsııa barysynda elimizdegi astyq túsimine toqtalǵan Jaýapty hatshy, egis alqaptarynyń 95 paıyzyndaǵy jınaý naýqanynyń kórsetkishi 12,5 mln. tonnany quraǵanyn atap ótti. Onyń aıtýynsha, búgingi kúni elimizdiń tek shyǵysynda ǵana azǵantaı egis alańynda astyq jınalmaǵan. Budan bólek, Qyzylorda oblysynda kúrishtiń mol túsimi kútiledi. «Jalpy, Qazaqstandaǵy astyq jıyny 13,5-14,5 mln. tonnany quraıtyny boljanady. Sonymen qatar, astyq túsimi bizdiń aldymyzda turǵan basty mindetterdi sheshýge septigin tıgizeri anyq. Al astyqty satyp alýǵa qatysty baǵany arttyrý máselesine keletin bolsaq, men bulaı bolmaıdy dep oılaımyn. Korporatsııa búgingi kúni 44 myń tonna astyq satyp aldy», dedi E. Aman.
