Azyq-túlik korporatsııasy artylǵan astyqty tasymaldap berýge daıar - B.Qabdrahmanov
ASTANA. 26 qyrkúıek. QazAqparat - Búginde biz artylǵan astyqty tasymaldap berýge daıarmyz. Osyǵan baılanysty jergilikti bılik organdaryna tıisti hattar taratyldy.
Búgin Astanada ótken «Qazaqstan fermerleri odaǵy» RQB Ortalyq keńesiniń májilisinde «Azyq-túlik kelisimshart» korporatsııasynyń basshysy Beıbithan Qabdrahmanov osylaı aıtty.
Onyń sózine qaraǵanda, osy ýaqytqa Ońtústik Oral temir joly boıynda ornalasqan Mamlıýtka jáne Býlaevo elevatorlary tarapynan 20 myńdaı ótinish túsip, ol boıynsha barlyq tasymaldaý jumystary atqaryldy.
«Bizde qajetti qarjy bar. Sondyqtan kez kelgen ótinishti qarap, artylyp qalǵan astyqty tasymaldap berýge daıarmyz», - deıdi B.Qabdrahmanov.
