«Azyq-túlik korporatsııasy» AQ-y sharýalardan 1 mln. 592 myń tonna astyq satyp aldy - A. Kúrishbaev

ashanyń 9-y. QazAqparat /Qanat Mámetqazyuly/  -  Búgingi kúnge deıingi jaǵdaı boıynsha «Azyq-túlik korporatsııasy» AQ-y otandyq taýar óndirýshilerden 1 mln. 592 myń tonna astyq satyp aldy.

 Búgin QR Parlamenti Májilisinde ótken Úkimet saǵatynda Aýyl sharýashylyǵy mınıstri Aqylbek Kúrishbaev osylaı  málim etti, dep habarlaıdy QazAqparat.  

«Korporatsııa tarapynan satyp alynǵan astyqtyń 417 myń tonnasy memlekettik resýrstar bolyp tabylady. Al Ulttyq qor qarajaty men korporatsııanyń óz qarajatyna satyp alǵan astyq 1 mln. 121 myń tonnany quraıdy», dedi mınıstr A. Kúrishbaev. Onyń aıtýynsha, qazirgi tańda «Azyq-túlik korporatsııasy» AQ-y aldyna qazaqstandyq sharýalardan astyqty satyp alýdy shapshańdata túsý mindeti júktelip otyr. «Bul shara ishki naryqty jandandyra túsý úshin asa mańyzdy bolyp tabylady. Jalpy, biz Úkimet tarapynan bekitilgen sharalardy tolyq júzege asyrsaq, astyq naryǵynda oryn alǵan jaǵdaıdy turaqtandyrýǵa bolady dep sanaımyz», dedi A. Kúrishbaev.