«Azyq-túlik kelisimshart korporatsııasy» kóktemgi egis naýqanyna 11 mlrd. teńgeden astam qarjy bóldi
ASTANA. QazAqparat - «Azyq-túlik kelisimshart korporatsııasy» Ulttyq kompanııasy» AQ Áleýmettik kásipkerlik korporatsııalarynyń kepildigi boıynsha aýyl sharýashylyǵy taýar óndirýshileriniń kóktemgi-jazǵy jumystaryn qarjylandyrý baǵdarlamasyn júzege asyrýda. Bul týraly kompanııanyń baspasóz qyzmetinen habarlandy.
Atap aıtqanda, 9 sáýirdegi jaǵdaı boıynsha korporatsııaǵa elimizdiń sharýalarynan 1 600 ótinim kelip tússe, bulardyń barlyǵy 13 mlrd. teńgeden astam somany quraıdy.
«Olardy qaraý barysynda jalpy alǵanda 1 570 ótinimdi 12,4 mlrd. teńgege qarjylandyrý týraly sheshim qabyldandy. Olardyń ishinde Áleýmettik kásipkerlik korporatsııalar kepildigi boıynsha jalpy somasy 11,5 mlrd. teńgeni quraıtyn 1 430 ótinim maquldanyp otyr. Bul rette qarjylandyrý suralǵan egis alańynyń aýmaǵy 1,9 mln. gektardy quramaq», - delingen baspasóz baıanynda.
Eske sala keteıik, buǵan deıin habarlanǵanyndaı, atalǵan baǵdarlamany júzege asyrý úshin 17 mlrd. 650 mln. teńge bólingen. Bul rette baǵdarlama boıynsha aýylsharýashylyǵy taýaryn óndirýshiler ózderiniń mindettemelerin aǵymdaǵy 2015 jyldyń 1 qarashasyna deıin oryndap, «Azyq-túlik kelisimshart korporatsııasynyń» qabyldaý pýnktterine astyqty jetkizýleri tıis.
