«Azyq-túlik kelisimshart korporatsııasy» AQ otandyq taýar óndirýshilerden 970 myń tonna astyq satyp alady

Bul týraly búgin Aýyl sharýashylyǵy mınıstriginde ótken baspasóz máslıhaty barysynda atalǵan mekemeniń basshysy Asyljan Mamytbekov aıtty.

Aǵymdaǵy jylǵy tamyzdyń 26-synda ótken QR Ekonomıkasyn jańartý jónindegi memlekettik komıssııa otyrysynda naryqtan 2 mıllıon tonnaǵa deıin astyq satyp alý týraly sheshim qabyldanǵandyǵyn eske salǵan A.Mamytbekov «ol kezdegi belgilengen baǵa tonnasyna 26 500 teńge, ıaǵnı sol kezdegi naryqtyq jaǵdaıǵa saı bolatyn. Biraq qazirgi ýaqytta naryqtyq baǵa kúrt ózgerip, joǵarylap ketti. Osyǵan oraı ári «Azyq-túlik kelisimshart korporatsııasy» menshigindegi astyqtyń elimizdiń 1 jyldyq suranysyn tolyq qamtamasyz etýine baılanysty qazirgi satyp alý kólemi 1 mıllıon tonnaǵa deıin tómendeldi. Kvotalardy Aýyl sharýashylyǵy mınıstrligi bekitýde. Ol shamamen 970 myń tonna kóleminde bekitiledi», dedi.

Onyń aıtýyna qaraǵanda, qazirgi naryqta astyqqa degen suranystyń artýy kóp jaǵdaıda aýyl sharýashylyǵy taýarlaryn óndirýshilerge óz múmkinshilikterin tolyq paıdalanýǵa jol ashady. ıAǵnı óndirýshi astyǵyn memleket qoryna ótkizbeı joǵary baǵamen syrtqy naryqqa shyǵarýǵa qol jetkizedi.

Sondaı-aq korporatsııa basshysynyń aıtýynsha, qyrkúıek aıynda barlyq oblys basshylarymen arada qol qoıylǵan memorandým óz jemisin berýde. «Osy qujattyń arqasynda sońǵy ýaqytta astyqtyń baǵasy úsh ese ósse de nannyń baǵasy turaqty saqtalyp otyr», dedi ol óz sózinde.

Aıta keteıik, keshegi Úkimet otyrysynda Aýyl sharýashylyǵy mınıstrligi «Azyq-túlik korporatsııasy» AQ-nyń menshigindegi barlyq astyqqa jáne onyń túsimine balansty zerdelep, sonymen qatar azyq-túliktik bıdaı baǵasynyń ósýine oraı, bekitilgen azyq-túliktik bıdaıdy 2 mıllıon tonna kóleminde satyp alýdy 1,1 mıllıon tonnaǵa deıin kemitý týrasynda ózgertý engizýdi usynǵan bolatyn. Atalǵan korporatsııanyń basshysynyń málim etýinshe, osy keńes barysynda satyp alynatyn astyq kólemin 970 myń tonnaǵa tómendetý týrasynda sheshim qabyldanǵan.