«Azyq-túlik kelisimshart korporatsııasy» AQ 500 myń tonna bıdaıdy tasymaldaýdy 2012 jylǵa qaldyrady
ASTANA. 27 jeltoqsan. QazAqparat /Qanat Mámetqazyuly/ - 2011 jylǵy astyq daqyldarynyń joǵary ónimdiligine baılanysty «Azyq-túlik kelisimshart korporatsııasy» AQ 500 myń tonna bıdaıdy tasymaldaýdy 2012 jylǵa aýystyrý týraly sheshim qabyldaǵanyn jarııalaıdy.
Bul týraly atalmysh kompanııanyń baspasóz qyzmetinen habarlandy.
«2012 jylǵy jańa ónimdi qabyldaý boıynsha bıdaıǵa toly elevatorlardy bosatý úshin bıylǵy astyq egin egetin oblystardyń elevatorlarynan elimizdiń basqa da óńirlerine qaraı tasymaldanatyn bolady. Astyqty tasymaldaý úshin qarajat Úkimettiń rezervinen 2012 jyly bólinetini qarastyrylady», - delingen baspasóz aıǵaǵynda.
Esterińizge sala keteıik, bıyl táýelsizdik jyldary ishinde rekordty astyq orylyp, qambaǵa quıylǵan bıdaı salmaǵy 29 mln. tonnadan asqan bolatyn. Bul shamamen 2 mlrd. put astyq.
