Azyq-túlik kelisim shart korporatsııasy un tartýshy uıymdarǵa 300 myń tonnadan astam astyq jetkizdi
ASTANA. QazAqparat - «Azyq-túlik kelisim shart korporatsııasy» ulttyq kompanııasy» aktsıonerlik qoǵamy nan men un baǵasyn turaqtandyrý maqsatynda un tartatyn uıymdarǵa astyqty jóneltýin jalǵastyrýda. Máselen, osy maqsatta memlekettik resýrstardan tonnasy 28 myń 300 teńgege bekitilgen 175 myń tonna arzandatylǵan astyq jetkizilse, kompanııanyń kommertsııalyq resýrstarynan 128 myń tonna astyq jónetildi, dep habarlaıdy kompanııanyń baspasóz qyzmetinen.
«Azyq-túlik kelisim shart korporatsııasynyń kommertsııalyq resýrstaryndaǵy astyq baǵasyn 2014 jylǵy 16 mamyrda Ekonomıkany jańǵyrtý máseleleri jónindegi memlekettik komıssııa tonnasyna 42 000 teńge mólsherinde belgilegen bolatyn. Bul rette 28 300 teńge men 42 000 teńge arasyndaǵy aıyrmany un tartatyn uıymdarǵa respýblıkalyq bıýdjetten óteý qarastyrylyp otyr», - delingen baspasóz baıanynda.
Eske sala ketsek, memlekettik komıssııanyń sheshimimen QR Aýyl sharýashylyǵy mınıstrligi, oblys ákimdikteri jáne Azyq-túlik kelisim shart korporatsııasy arasynda óńirlerde 1 surypty unnan jasalǵan qalypty nanǵa, 1 surypty unǵa baǵany turaqtandyrý jónindegi sharalar týraly memorandýmdarǵa qol qoıylǵan bolatyn. Osy maqsatta Azyq-túlik kelisim shart korporatsııasy 518 000 tonna astyqty keıinge saqtap otyr. Onyń 182 000 tonnasy memlekettik resýrstardan bolsa, 336 000 tonna kommertsııalyq resýrstarynan.
