«Azyq-túlik kelisim shart korporatsııasy» Taýar bırjasynda elektrondyq aýktsıon arqyly 500 myń tonnaǵa jýyq astyq ótkizdi
ASTANA. 7 jeltoqsan. QazAqparat - «Azyq-túlik kelisim shart korporatsııasy» ulttyq kompanııasy «Eýrazııa saýda júıesi» (ESJ) taýar bırjasynda jasyryn aýktsıon arqyly ótkizgen astyqtyń jalpy kólemi shamamen 500 myń tonnany qurady.
Korporatsııa 3 synypty jumsaq bıdaıdy kommertsııalyq satý maqsatynda Qazaqstannyń astyq rynogynda birinshi ret jasyryn elektrondy bırjalyq aýktsıondardy ótkizip jatqanyn aıta ketken jón. Alǵashqy saýda-sattyq 17 qazanda ótkizildi. 20 myń tonna astyq shyǵaryldy: 5 000 tonnadan 4 lot, bastapqy baǵasy tonnasyna 45 000 teńgeni (QQS qosa) qurady. Saýda-sattyqtyń qorytyndysy boıynsha tonnasy 45 010 teńgeden 5 myń tonna astyq - 1 lot satyldy.
Bul saýda-sattyqtyń nátıjesinde jasyryn bırjalyq aýktsıon rejıminde alǵashqy ret qazaqstandyq astyqtyń qunyna ındıkator jasaldy.
Azyq-túlik kelisim shart korporatsııasy qazirgi ýaqytta 3 synypty bıdaıdy kommertsııalyq satý maqsatynda saýdaǵa shyǵarýdy jalǵastyrýda. Bastapqy baǵa - tonnasyna 45 005 teńge (QQS qosa).
Azyq-túlik kelisim shart korporatsııasy astyqty ótkizý sharttaryna ózgertýler engizgenin atap aıtý kerek, bul saýda-sattyqty ótkizýdi jedeldetti. Yqtımal satyp alýshylarǵa «Standard & Poor's» agenttigimen berilgen «V-» reıtınginen tómen emes boryshtyq reıtıngi bar nemese basqa reıtıng agenttikteriniń bireýine uqsas deńgeıdegi reıtıngi bar qarjy uıymdarynyń kepildemesimen 9 jáne 10 aıǵa aýktsıonda satyp alǵan astyqqa tólem merzimderin uzartý múmkindigi beriledi.
Ústimizdegi jyly qarashada jáne jeltoqsannyń basynda ótkizilgen saýda-sattyqtyń nátıjesinde Azyq-túlik kelisim shart korporatsııasy ótkizgen astyqtyń jalpy kólemi shamamen 500 myń tonnany qurady. Eń joǵary baǵa tonnasyna 47 062 teńgeni qurady.
«Azyq-túlik kelisim shart korporatsııasy» UK» AQ Astyq resýrstaryn basqarý departamentiniń dırektory Sábıt Qashqymbaev atap ótkendeı, Azyq-túlik kelisim shart korporatsııasynyń elektrondy aýktsıondardy uıymdastyrýy kompanııanyń óz qyzmetinde órkenıetti naryq mehanızmderin qoldanýǵa umtylýdyń dáleli. Bul sheshim astyqty satý tártibiniń aıqyndyǵyn jáne yqtımal satyp alýshylardyń teń qoljetimdiligin qamtamasyz etý, sondaı-aq astyqqa suranystyń naqty naryqtyq baǵasyn anyqtaý maqsatynda qabyldandy. Satýlardy elektrondy saýda-sattyqtar arqyly ótkizý - kompanııanyń kezekti joǵary satyǵa kóterilýi. Azyq-túlik kelisim shart korporatsııasy qazirgi zamanǵy elektrondy saýda-sattyqtar talaptaryna jaýap beretin kez kelgen bırjamen yntymaqtastyqta bolýǵa daıyn.
Onyń aıtýynsha, «eger keleshekte bırjada saýda-sattyqtar osylaı belsendi ótip turatyn bolsa, onda Azyq-túlik kelisim shart korporatsııasy aǵymdaǵy jylǵy satý josparyn jaqyn arada oryndaıtyn tárizdi».
