«Azyq-túlik kelisim-shart korporatsııasy» tamshylap sýarý tehnologııasyn kóptep engizýde
ASTANA. 22 jeltoqsan. QazAqparat /Gúlmıra Alıakparova/ - Álemde sońǵy jyldary tabıǵı resýrstardy únemdeý maqsatynda tamshylap sýarý júıesi keńinen qoldanylýda.
Sýarýdyń jańa tehnologııasyn qazaqstandyq dıqandar da tájirıbelerine jetistikti engizýde. Máselen, «Azyq-túlik kelisim-shart korporatsııasy» 2008 jyldan beri Ońtústik Qazaqstan oblysy Aqdala aýylynda jemis-kókónisti ónimderdi óndirý boıynsha ınvestıtsııalyq jobany júzege asyrýda. Joba aıasynda tamshylap sýarý júıesin qoldana otyryp, Arys alqabyndaǵy paıdalanylmaıtyn 2,7 myń gektar jerdi kezeń-kezeńimen ıgerý júrgizilýde.
«Sýarýdyń dástúrli júıeleri kóp jaǵdaıda keri saldarǵa alyp keledi. Ylǵal kóptep joǵalady, jer batpaqtanady, sońynda, onyń qunarlyǵy ketedi. Tamshylap sýarýda mundaı problemalar bolmaıdy. Sýdy únemdeý júıesiniń arqasynda egin mol shyǵady jáne sý, tyńaıtqyshtar, elektr energııasy, adam eńbegi men qarajat shyǵynyn aıtarlyqtaı qysqarta otyryp anaǵurlym sapaly ónim alýǵa bolady. Aqdala kásipornynda tamshylap sýarýdyń artyqshylyǵy alǵashqy jyly-aq baıqaldy. Qyzanaqtardyń ónimi úsh esege artty - gektaryna 65-70 tonnaǵa deıin. Sýarý standartty syzbamen júrgizilgende gektaryna nebári 20-25 myń tonna ónim alynatyn», - delingen «Azyq-túlik kelisim-shart korporatsııasynyń» baspasóz qyzmeti taratqan habarlamada.
Alǵashqy jetistikti tájirıbe kásiporyn qýatyn arttyryp qana qoımaı, jańa sharýashylyqtardy ashýǵa negiz saldy. Máselen, «Azyq-túlik kelisim-shart korporatsııasy» Almaty oblysynda tamyshlap sýarý tehnologııasymen kókónisterdi ǵana emes, alma baqtaryn da ósire bastady. Korporatsııa aǵymdaǵy jyly osy aımaqta jalpy syıymdylyǵy 13 myń tonna bolatyn kókónis saqtaý qoımasyn iske qosty.
