«Azyq-túlik kelisim shart korporatsııasy» memlekettik resýrstarǵa astyq satyp alý úshin agrarshylarmen 900 mln. teńgeniń shartyn jasasty
ASTANA. 28 mamyr. QazAqparat - «Azyq-túlik kelisim shart korporatsııasy» UK» AQ memlekettik resýrstarǵa astyq satyp alý úshin shamamen 900 mln. teńgege aýyl sharýashylyǵy taýarlaryn óndirýshilermen sharttar jasasty,
dep habarlady korporatsııanyń baspasóz qyzmetinen.
Respýblıkada azyq-túlik qaýipsizdigin, jumyldyrý muqtajdyǵyn qamtamasyz etý jáne astyq naryǵyn jedel retteý úshin Azyq-túlik kelisim shart korporatsııasy jyl saıyn memlekettik resýrstarǵa astyq satyp alady.
«Memlekettik resýrstarǵa 2013 jylǵy eginniń astyǵyn satyp alý týraly» Qazaqstan Respýblıkasy Úkimetiniń 2013 jylǵy 15 sáýirdegi № 349 qaýlysymen memlekettik resýrstarǵa 2013 jylǵy eginniń astyǵyn satyp alýdy júzege asyrý úshin 13 mlrd. 750 mln. teńge mólsherinde bıýdjettik qarajat somasy belgilendi. Olardyń ishinde:
6 mlrd. 875 mln. teńge mólsherinde kóktemgi - jazǵy qarjylandyrý arqyly;
6 mlrd. 875 mln. teńge mólsherinde kúzgi kezeńde. Kóktemgi - jazǵy qarjylandyrýǵa qoldanylmaǵan aqshalaı qarajat kúzgi kezeńde astyq satyp alýǵa qoldanylatyn bolady.
2013 jylǵy 27 mamyrdaǵy jaǵdaı boıynsha atalǵan baǵdarlamaǵa agrarshylardan jalpy somasy 884,7 mln. teńge somaǵa 19 ótinim kelip tústi. Ótinimderdi qaraǵannan keıin, 868,7 mln. teńge somaǵa 17 shart jasaldy. Olardyń ishinde somasy 245 mln. teńgege 2 ótinim qarjylandyryldy.
«Ústimizdegi jyly kóktemgi - jazǵy qarjylandyrý arqyly memlekettik resýrstarǵa astyq satyp alý ekinshi deńgeıli bankterdiń kepildemelerin berý shartymen bıdaıdyń 1 tonnasyna 20 000 teńge mólsherinde AShTÓ-di aldyn ala qarjylandyrý esebinen júrgiziletinin esterińizge salamyz. AShTÓ mindettemelerin oryndaýy kúzgi kezeńde QR Úkimeti belgileıtin satyp alý baǵasynan 3 paıyz mólsherindegi dıskontty esepke alǵandaǵy tıisti astyq kólemin 2013 jylǵy 1 jeltoqsanǵa deıin jetkizý arqyly júzege asyrylady. Agrarııalardyń atalǵan baǵdarlamalarǵa qatysýǵa ótinimderi Azyq-túlik kelisim shart korporatsııasynyń oblystyq (óńirlik) ókildikterinde qabyldanady. Ótinimderdi qabyldaý jalǵasýda», - delingen habarlamada.
