Azyq-túlik kelisim shart korporatsııasy «Qosarlanǵan qarsy jasyryn aýktsıon» rejiminde astyq satady
ASTANA. 22 shilde. QazAqparat - «Azyq -túlik kelisim shart korporatsııasy» UK» AQ «Eýrazııa saýda júıesi» taýar bırjasynda (ESJ) ótkiziletin «Qosarlanǵan qarsy jasyryn aýktsıon» (QQJA) rejimindegi astyq saýda-sattyǵyna qatysýǵa kiristi.
QQJA-nyń ádettegi jasyryn aýktsıonnan ereksheligi - qatysýshylardyń saýda sessııasy boıy (saýda kúninde) baǵany joǵarylatý, sondaı-aq tómendetý arqyly saýda-sattyqty júzege asyrý múmkindigi. Aýktsıonǵa bir mezgilde kóp satyp alýshylar men satýshylar qatysa alady, olardyń árqaısysynyń taýardy satyp alýǵa da, sondaı-aq satýǵa da birneshe ret ótinimder berýge quqyǵy bar. Munyń ózinde barlyq aýktsıonǵa qatysýshylar jasyryn - naqty mámile jasasqanǵa deıin eshkim óz kontragentin bilmeıdi.
QQJA búgingi kúni álemniń barlyq iri astyq alańdary (Chıkago saýda bırjasy, Frantsııanyń halyqaralyq fıýchers rynogy, London saýda bırjasy jáne basqalar) qoldanatyn bırja saýdasynyń mehanızmderin damytýdyń taǵy bir kezeńi bolyp tabylady jáne naryqta suranys pen usynystyń teńgerimine negizdelgen astyq baǵasynyń aıqyn ári táýelsiz ındıkatorynyń bolýyn qamtamasyz etýge baǵyttalǵan.
Jaqyn arada qazaqstandyq astyq saýdasyna qatysýshylar menshikti bırja taýar aınalymynyń eń az degende 15% -yn QQJA rejimindegi saýda-sattyqqa shyǵarýǵa mindetti bolady. Bul talap jaqyn arada kúshine enetin QR Úkimetiniń tıisti qaýlysymen belgilenbek.
Osy aıtylǵandy, sondaı-aq ESJ Astyq jónindegi komıtetiniń usynystaryn eskerip, Azyq-túlik kelisim shart korporatsııasy óziniń astyqtyń bırja naryǵyn damytý strategııasynyń sheńberinde jáne zańnamalardy aldaǵy ózgertýler qarsańynda QQJA rejimindegi saýda-sattyqtarǵa qatysý týraly sheshim qabyldady.
Astyqty satýdyń aıqyn rásimderin, yqtımal satyp alýshylardyń saýda-sattyqqa teń qoljetimdiligin qamtamasyz etý jáne bırja saýdasyn damytý úshin 2012 jylǵy qazannan bastap Azyq-túlik kelisim shart korporatsııasy Qazaqstannyń astyq naryǵynda alǵash ret jasyryn bırja aýktsıondary arqyly bıdaıdy ashyq satýdy bastaǵan bolatyn jáne ol jalǵasýda.
2012 jylǵy jeltoqsanda Azyq-túlik kelisim shart korporatsııasynyń bastamasy boıynsha ESJ bırjasynyń janynan Astyq komıteti quryldy. Ol naqty bırja saýda-sattyqtarynyń tájirıbesin negizge alyp, respýblıkada astyqtyń bırja naryǵynyń odan ári damýy úshin qajetti jaǵdaılardy qalyptastyrýǵa, onyń ishinde keleshegi zor jańa bırja quraldaryn engizýge yqpal etýge baǵyttalǵan, bul quraldardyń biri QQJA bolyp tabylady.
ESJ bırjasynda astyq satý jónindegi QQJA ótkizý týraly sheshim Biryńǵaı astyq holdıngi sheńberinde jaqynda qurylǵan Azyq-túlik kelisim shart korporatsııasynyń astyq naryǵy jónindegi Qoǵamdyq keńesimen maquldandy. Aıta keter jaıt, Azyq-túlik kelisim shart korporatsııasynyń bırjaǵa shyǵarǵan astyq kólemi men onyń baǵasy mindetti túrde Qoǵamdyq keńespen bekitiletin bolady.
