Azyq-túlik kelisim shart korporatsııasy forvardtyq astyq satyp alýǵa ótinishter qabyldaı bastady
ASTANA. QazAqparat - «Azyq-túlik kelisim shart korporatsııasy» UK» AQ 2016 jylǵy 14 naýryzda áleýmettik-kásipkerlik korporatsııalar kepilidikteri boıynsha kóktemgi-jazǵy qarjylandyrý arqyly aýylsharýashylyq taýar óndirýshilerinen (AShTÓ) forvardtyq astyq satyp alý baǵdarlamasynyń bastalǵany týraly habarlaıdy.
Kompanııanyń baspasóz qyzmetiniń habarlaýynsha, bıyl osy maqsattarǵa respýblıkalyq bıýdjetten 14 mlrd teńge bólingen. Aldyńǵy jyldardaǵydaı, baǵdarlamaǵa qatysatyn AShTÓ tizimin oblys ákimdikteri janyndaǵy Úılestirý keńesi bekitedi. Sondyqtan baǵdarlamanyń basty sharttarynyń biri: AÓK sýbektileriniń Azyq-túlik kelisim shart korporatsııasymen jasasqan 2012 jylǵy qarjylandyrý jáne 2013-2015 jyldarǵa forvardtyq astyq satyp alý sharttary boıynsha óz mindettemelerin tolyq oryndaýy, sondaı-aq, «QazAgro» Holdıng» AQ enshiles kompanııalary jáne basqa da qarjy uıymdary aldynda merzimi ótken mindettemeleri bolmaýy tıis.
Joǵaryda atalǵan qarjy 1 ga egis alqabyna 6 000 teńge esebimen agrarıılerdiń kóktemgi-jazǵy jumystary men astyq jınaý knaýqanyn júrgizýge baǵyttalady. Astyq óndirýshiler astyq jetkizip berý arqyly jasasqan sharttar boıynsha óz mindettemelerin 2016 jylǵy 1 qarashasyna deıingi merzim ishinde oryndaýy tıis.
