Azyq-túlik kelisim shart korporatsııasy: birqatar oblystardaǵy un tartatyn uıymdardyń barlyǵy birdeı memorandýmdy saqtamaı otyr
Toqtala ketetin jaıt, aǵymdaǵy jyly Qazaqstannyń jekelegen óńirlerinde qýańshylyq oryn alyp, sonyń saldarynyń aldyn alý maqsatynda Ekonomıkany jańǵyrtý máseleleri jónindegi memlekettik komıssııanyń 2012 jylǵy 23 shildedegi sheshimi boıynsha, QR Aýyl sharýashylyǵy mınıstrligi, «QazAgro» holdıngi» AQ, Qazaqstan astyq óńdeýshiler odaǵy, Astana, Almaty qalalarynyń jáne oblys ákimdikteriniń arasynda 1 surypty unǵa, 1 surypty qalypty nanǵa baǵany turaqtandyrý jónindegi sharalar týraly, sonymen qatar mal sharýashylyǵynda mal basynyń azaıýyn boldyrmaý sharalary jónindegi memorandýmǵa qol qoıǵan bolatyn. Osy memorandýmdardyń sheńberinde Azyq-túlik kelisim shart korporatsııasynyń resýrstarynan 1,3 mln. tonna arzandatylǵan astyq bólindi. Astyq tonnasyna 28 000 teńgeden belgilengen baǵada jergilikti atqarýshy organdarmen anyqtalǵan un tartatyn uıymdarǵa jiberiledi. Tıeý merzimi - 2012 jylǵy tamyzdan bastap 2013 jylǵy tamyzǵa deıin.
Sonymen qatar, Azyq-túlik kelisim shart korporatsııasy qus fabrıkalary jáne shoshqa ósiretin sharýashylyqtarmen tonnasyna 28 000 teńgeden astyq jetkizý týraly sharttar jasasty. Qazaqstan qus ósirýshiler odaǵy men Qazaqstannyń shoshqa ósirýshiler assotsıatsııasy bólgen kólemderge sáıkes, qus fabrıkalaryna jalpy kólemi 153 myń tonna, shoshqa ósiretin sharýashylyqtarǵa - tıisinshe 47 myń tonna astyq jetkizý qarastyrylyp otyr.
«Aǵymdaǵy jylǵy 19 jeltoqsandaǵy málimetter boıynsha elimizdiń óńirlerine jalpy kólemi 477 myń tonnadan astam, onyń ishinde astyq óńdeıtin uıymdarǵa - 395 myń tonna, qus fabrıkalaryna - 69 myń tonna, shoshqa ósiretin sharýashylyqtarǵa - 13 myń tonna arzandatylǵan astyq tıeldi. Sonymen birge Azyq-túlik kelisim shart korporatsııasy memorandýmnyń talaptaryn oblystaǵy un tartatyn uıymdardyń barlyǵy birdeı saqtamaı otyrǵanyn habarlaıdy. Mysaly, Batys Qazaqstan oblysynyń iri operatorlarynyń biri astyqty óz astyq qabyldaý kásipornynan bosatýdy talap etip, Azyq-túlik kelisim shart korporatsııasymen shart jasaýdan bas tartty. Pavlodar oblysynyń operatorlary óz óńirin «áleýmettik» nansyz qaldyrdy. Azyq-túlik kelisim shart korporatsııasymen shart jasaýdan bas tartý sebebin olar arzandatylǵan astyqty kórshiles Soltústik Qazaqstan oblysynan tasymaldaýdy qalamaýymen túsindiredi», - delingen baspasóz aıǵaǵynda.
Bul rette Azyq-túlik kelisim shart korporatsııasynyń esebi boıynsha, tipti kólik shyǵyndaryn eseptegende, bıdaıdyń sońǵy baǵasy tonnasyna 46 000- 47 000 teńgeni quraıdy. Jalpy alǵanda, unnyń baǵasy tonnasyna 1000 teńgege kóterilgende, salmaǵy 600 gramm «áleýmettik» nan bar bolǵany 40 tıynǵa ǵana qymbattaýy tıis. Kórsetilgen operatorlarǵa, sirá, «bıznestiń qoǵam aldyndaǵy áleýmettik jaýapkershiligine» qaraǵanda, «kommertsııalyq múddeler» uǵymy basymyraq bolsa kerek. Alaıda, tipti mundaı jaǵdaıdyń ózinde, operatorlar paıda tabady. Biraq, mundaı paıdanyń kólemi olardyń kóńilinen shyqpaı otyr. Eger pavlodarlyq operatorlar odan ári óńirdi arzandatylǵan unmen qamtamasyz etýge qyzyǵýshylyq tanytpasa, onda Azyq-túlik kelisim shart korporatsııasy bul undy ózderinde qaıta óńdeýge daıyn basqa óńirlerdiń operatorlaryn usynýǵa jáne kómek kórsetýge Pavlodar oblysyna jetkizýge daıyn. Bul úshin arzandatylǵan astyqty alýǵa óńirlerdiń kvotalaryn operatorlar arasynda qaıta bólý týraly tıisti oblystyq ákimdikterdiń sheshimi ǵana talap etiledi», - delingen habarlamada.